網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年7月11日 星期五

[忽然1周 989] 不忿局玩性玩具 楊玉梅劈炮:過唔到自己嗰關 楊玉梅,BKD_S,MW,




娛樂喧

不忿局玩性玩具 楊玉梅劈炮:過唔到自己嗰關

常將「改革」掛在口邊的亞視,最近在深夜增設「子夜特區」時段,周一至周五晚上播映不同話題的成人節目。本周一( 7日)首播便邀請亞姐出身的楊玉梅(士多),主持以「性」為主的《女人不設防》。

亞視本希望延續昔日《今夜不設訪》的光輝歲月,可惜楊玉梅完成首集錄影後,覺得節目內容太露骨,加上第二集要求她當眾玩性玩具,即嬲爆與監製趙汝強理論,更企硬話唔改內容便劈炮辭演,最後亞視屈服,將呢 part濕滯嘢改用綠魔( Karl)頂上。

亞視玩改革,希望藉成人節目力挽狂瀾,更打算以有知名度的亞姐做主持,可惜出手太低,節目太露骨,先有羅霖辭演,後有楊玉梅嗌劈炮。亞視今次重作馮婦,卻出師不利。

本周一( 7日)首播的《女人不設防》,由楊玉梅與筱靖做主持,半小時的節目邀請仙樂都、王璐瑤等𡃁模做嘉賓,大談溝仔經及「第一次」等大膽內容。

「錄影完傾下一集嘅內容時,兩個主持知道要現場玩性玩具同訪問男妓時,齊齊 say no。亞視公關之前叫『士多』(楊玉梅暱稱)去蘭桂坊派避孕套宣傳時,佢已經嬲爆唔到,所以知道第二集嘅內容咁激時,『士多』講到明話唔改內容就唔會再錄。佢係外援,一集收得幾百蚊車馬費,所以亞視都無佢符。」幕後人員透露。

《女人不設防》剛於周一( 7日)播出第一集,由仙樂都等三位𡃁模,和主持筱靖及楊玉梅分享在夜店獵男心得。

三料亞姐

楊玉梅在 1990年參選亞姐,連奪季軍、最上鏡小姐及完美體態三個獎項,冠軍則是吳綺莉。入行後,楊玉梅亦有不少機會,曾在亞視節目《曾志偉騷足一晚》與志偉合作(右圖)。

只收車馬費

本刊致電楊玉梅,她餘怒未消:「真係講唔到性玩具,點講呀?如果要講,呢一集就冇我。因為當初同我講節目內容時,監製話講偷食同車震,呢啲題材藝人都發生過,我仲可以當分享去訪問嘉賓。(有冇叫你去派避孕套宣傳?)有呀,叫我喺鬧市做呢啲嘢,我過唔到自己嗰關。(聽聞你只收幾百蚊車馬費,仗義幫亞視?)唔止幾百蚊。亞視係我娘家,冇計啦。」

另一名主持筱靖亦直認:「第二集本來要講性玩具及訪問男妓,我都接受唔到。(公司局你哋去蘭桂坊派避孕套?)係,我推咗,做宣傳唔使做到咁。(拍呢類節目,酬勞會多啲?)唔會,同平時騷錢一樣。」

對於楊玉梅及筱靖企硬唔玩性玩具,監製趙汝強回應:「我哋好耐冇做呢啲節目,主持一下子都要適應。(楊玉梅要求改內容?)我哋樂意接受意見。(聽聞佢只收幾百元車馬費?)都千千聲嘅,不過佢冇收足,佢都係仗義返嚟幫手。」

楊玉梅是義氣仔女,早前亦有應袁潔儀邀請,返亞視客串節目。

數年前楊玉梅轉戰商界,入股「別府麵館」及擔任美容院總監,近年活躍 Ball場。

羅霖嫌奀推辭

羅霖甩難

羅霖因為早前在《愛•尋•迷》有性感演出,而被睇中主持《深宵爭議性》。不過她收到風節目會玩性玩具,為保形象而推辭的她,亦忍唔住暗寸亞視:「(性玩具)由專家講,好過由藝人去講。」

上周末,《女人不設防》到蘭桂坊向途人派避孕套宣傳,楊玉梅及筱靖拒現身,最後只有仙樂都及王璐瑤等𡃁模 hea住派套。

亞視刀仔鋸大樹,近年製作很多資訊及清談節目,劇作家胡恩威由 2011年開始,為亞視主持《我要做特首》等節目,成為禦用主持。

靠「性」發圍

由於製作成人節目不用卡士,皮費不多,故亞視多年來間歇性都有製作,當中《活色生香》、《今夜不設防》及《女人不設防》,都是由趙汝強(圖)監製。

《貓頭鷹時間》最經典

1979年,麗的電視(亞視前身)已經找來艷星陳維英(中)及名嘴盧遠,主持《哈囉夜歸人》。但由於出現裸露鏡頭,成為香港首個被禁播的電視節目。一個月後,麗的以原班人馬推出《貓頭鷹時間》,節目一拍就是三年。

《活色生香》再重播

1988年,亞視製作以介紹夜生活的《活色生香》,由李道洪、周美鳳及洪羅拔主持,節目現正於「歲月留聲台」重播。

《今夜不設防》巨星撐

論最輝煌的,算是 1989年由黃霑、倪匡、蔡瀾主持的清談節目《今夜不設防》。三人碌盡人情牌,找來林青霞、關之琳、張國榮、王祖賢等巨星都亮相節目大談兩性關係,節目可見三位主持食煙、飲酒、講粗口,收視甚高。



鍾意就快D Share啦!