欣宜雖然由 130磅翻脹至 200磅，但佢表示唔係自暴自棄，只係唔想俾肥瘦限制一個人嘅命運。
媽咪姐
欣宜唔減肥問過肥姐？
欣宜公開話自己唔會再減肥，就算做一個 200幾磅嘅大肥妹，都會係個快樂嘅肥妹。不過身邊好多長輩就擔心佢嘅健康，因為肥人好易有高血壓、同心臟病，不過欣宜就話一定會每年做一次健康檢查同運動咁話！
媽咪姐聽圈中朋友講，話欣宜喺肥姐生前應承減肥，係怕阿媽因為個女俾人笑肥妹而唔開心。依家肥姐過咗身，欣宜冇所避忌，所以唔再減肥。不過佢話有問過肥姐意見㗎。嚇？原來欣宜曾經喺肥姐靈位前，將自己呢幾年減肥後嘅唔開心，一一同媽咪講，講到又喊又笑咁，之後佢話覺得媽咪會明白。唉，其實每個媽媽都係希望子女開心啫。
|
鍾意就快D Share啦！
|
|
|