[忽然1周 989] 孖國峰隊長開舖 坤哥唔想一世窮 國峰,吳業坤,坤哥,陳國峰,MW,

坤哥粉絲團當日拉大隊落「巨一」拉麵店，佢哋仲係咁叫坤哥做「坤老闆」，搞到佢唔落力啲都唔得

媽咪姐

孖國峰隊長開舖　坤哥唔想一世窮

連載小說《男人唔可以窮》得高登仔力撐，巨聲幫宅男代表吳業坤就梗係明早排佢同 Super Girl嘅 Aka（趙慧珊）分手，咪有傳因為 Aka嫌坤哥窮囉。不過，坤哥就堅持話係自己窮，唔敢諗再進一步發展。點都好咪睇坤哥平時「傻更更」，其實佢呢幾年除咗不停自拍唱歌片喺網上 share外，最近仲發揮港男奮鬥心學做老闆，跟住巨聲幫隊長陳國峰同大台監製 Kent哥喺西環開拉麵舖。

其他影片：>>坤哥自爆獲《中國好聲音》邀試音
>>拖舊愛拍戲　坤哥一王四後好尷尬

周日（ 6日），佢哋首日試業，除咗街客外，好友範振鋒同坤哥嘅一班粉絲專程幫襯，粉絲們仲「坤老闆」前，「坤哥 Boss」後，𠱁到坤哥不知幾咁開心！現場所見，身為老闆嘅陳國峰同坤哥都真係親力親為㗎，上至落單、傳菜、招呼客人，下至抹冷氣機、執碗佢哋都一腳踢，仲好 enjoy咁款。啱㗎，淨係靠大台份糧點夠使吖，自求出路先係叻仔。

老闆之一嘅國峰之前已經開咗 1間拉麵店，喺新舖亦親力親為，連抹冷氣機都自己搞掂，加分！

首日試業，巨聲好友謝東閔以行動支持，而坤哥就要不停幫手入單，忙到出煙。

同 Aka（圓圖）分手後，坤哥喺 instagram經常曬同女伴合照，又稱吳若希（左）係佢「女神」，冧女係有一手。

明星都愛麵

明星鍾意搞食肆，開麵舖比較簡單，譚校長同李克勤上年都開咗間「左麟右李」粥麵小菜，走街坊路線，同佢哋一樣咁親民。

阮小儀亦係諗住薄利多銷，喺佐敦開咗間「麵麵店」賣車仔麵，仲成日親身落場，勤力！

鍾意就快D Share啦！

下一篇 》