同你吟一吟
楊千嬅趕收爐
今年娛樂圈多出爐星爸星媽，繼上個禮拜陳曉東榮升老豆，太太王妤嫻誕下 7磅大眼長腿千金，嚟緊仲有呂慧儀、張新悅以及陳爽。
原本都想馬年幫 Torres追個妹嘅楊千嬅，因手頭上工作太多，計劃受阻，不過老公丁子高已經開到聲，希望羊年再做老豆。
老公 order，千嬅更加要密啲手。就快推出全新廣東大碟，同一時間又要為關信輝執導電影《五個小孩的校長》埋位，盡快還清工作債收爐生 B。公事忙，私務一樣，除咗抽時間幫老公安排舊曆生日齋宴，仲攝到空檔行街 high tea。
上個禮拜六（七月五日），《壹》仔響太子大廈撞到千嬅，當時佢已經買咗袋 Chanel。行過相機店，又八卦望兩眼，事關 7月 30號丁生生日，要做定功課。行到咁上下， join埋個朋友，去置地飲咖啡，嗱，容乜易又一日呀！
|
鍾意就快D Share啦！
|
|
|