網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年7月10日 星期四

[壹週刊 1270] 認到樣唔知名 發哥識一半龔嘉欣 發哥,龔嘉欣,周潤發,M1,




攬曬影合照,但發哥噏唔出龔嘉欣個名,搞到佢有啲尷尬。

同你吟一吟

認到樣唔知名 發哥識一半龔嘉欣

出曬名係九龍城陀地嘅發哥周潤發,上個禮拜五(七月四日)又響地盤蒲頭。不過更好彩都係《愛•回家》外景組,見到 TVB 24座外景車,發哥自動波埋去八卦吹水,司機打頭陣落車影合照,車上面嘅人亦湧住落地,搵發哥集郵。

《壹》仔影低合照人龍,發哥即刻出聲:「嘩!搞咩鬼呀,我啲 TVB舊同事嚟㗎!」之後發哥索性走上 24座,慢慢影。

過冇耐,停喺後面另一架 24座終於收到風,著婚紗踢人字拖嘅龔嘉欣,第一時間衝埋去合照。《壹》仔知發哥一向係 CCTVB嘅忠實捧場客,問佢識唔識家陣攬到佢實一實影相嘅女仔係邊個?發哥九秒九答:「《愛•回家》呀嘛!」(咁你叫唔叫得出佢個名?)認得個樣唔記得個名嘅發哥決定 CY上身,冇回答。

又唔係李嘉欣,噏唔出龔嘉欣唔奇,更何況連當事人都唔識得爭取機會自我介紹,攬住影完就只係識擘大口笑,烚嚇烚嚇。

影完合照發哥轉身就走,慢兩拍嘅龔嘉欣講拜拜都嚟唔切!

個個爭住落車合影,發哥指一指《壹》仔,叫大家返上車坐低,逐個慢慢影。



鍾意就快D Share啦!