熱爆娛樂: [忽然1周 996] 續約纖體淨袋百萬　楊思琦翻身：想買多兩層樓！思琦,楊思琦,MW,

2014年8月29日星期五

[忽然1周 996] 續約纖體淨袋百萬　楊思琦翻身：想買多兩層樓！思琦,楊思琦,MW,

白滑 34C

娛樂喧

續約纖體淨袋百萬　楊思琦翻身：想買多兩層樓！

今年 5月決心甩大台向外闖的楊思琦，本以為未婚產子令其形象一鋪清袋，

有晒心理準備要「過冷河」。誰不知天無絕人之路，今年 8月約滿的纖體代言廣告，老闆主動聯絡楊思琦續約，酬勞更加碼到七位數，拍得住大台花旦身價。

要獨力養家養女的楊思琦，搵銀至上 job接 job，除主持有線節目，亦四出走埠登台，在港不時出席商場騷，現時平均月入過百萬，絕對唔係籮底橙。一鋪翻身的楊思琦表示：

「希望儲多啲錢，下年可以買多兩層樓收租」

其他影片：>>愈着愈多布　楊思琦廣告續約袋百萬

單親媽咪唔易做， 2011年楊思琦被爆懷有空心老倌吳帥骨肉，翌年於美國誕下女兒楊卓穎。由斬纜那刻開始，她便獨力養育女兒，更自爆捱到喊。

冇經理人合約掣肘的楊思琦，近月不時出席商演活動，澳門及內地登台全部通殺，比在大台做花旦時更忙。她上周五（ 22日）透過電話回應時說：「都預咗要有一段適應期，點知出嚟後有好多朋友主動介紹工作俾我，令我唔使過冷河，真係冇諗過唔使等。依家我中港兩邊走，為咗令囡囡生活得更好，一個月都有個幾星期唔喺香港！係見少咗，但冇辦法，惟有盡量去調配好啲時間。」

訪問當日楊思琦要為港台節目趕拍外景，訪問需延至半夜進行，翌日早上她又要返大陸登台搵人仔，為生計無奈做「飛人」媽媽。

待遇不同

早前馬賽的艷片事件，大台全力撐到底；相反楊思琦做未婚媽媽就被大台雪藏，確係同人唔同命。日前（ 8月 14日）在一個時裝活動上，二人同場現身，楊思琦更主動與對方打招呼。

COOL爆　新 LOOK

今次新一輯的廣告硬照，楊思琦換走了招牌甜美笑容，轉玩型要扮 COOL。

續約兩年

楊思琦在圈中人緣甚佳，有傳阿 Bob亦曾出手相助，介紹她到國內登台齊齊𢱑銀。就連合作多年的 Modern Beauty現代美容中心，月前亦主動與她續約，酬勞更勝在大台時。

楊思琦直認不諱：「係呀！我同纖體公司簽咗新約，酬勞好可觀。（係咪過百萬酬勞？）係有七位數字咁好多謝老闆娘咁支持我，對我咁有信心，佢知我要獨力養起成頭家，酬勞方面大幅增加，新合約會為期兩年。」

早前有消息指楊思琦獨力難支，單是月供三層樓開支已近 10萬，所以要賣樓套現。但保守估計，她現時每月收入過百萬，基本開支應付有餘，以她的慳妹性格，一定有錢剩，難怪她想再買樓投資，她說：「始終買樓可以保值，不過唔會依家入市，遲吓希望儲夠錢，下年可以買多兩層樓用嚟收租。」

去年玩透視

去年楊思琦的纖體廣告造型大玩透視。

廣告車遊街

纖體公司除了在港九多處掛上楊思琦大型海報及燈箱廣告外，就連 Van仔車身都賣埋廣告。

最想擁有馬甲線

大家別被身材纖瘦的楊思琦誤導，其實她食量驚人，加上產後皮膚較以前鬆弛，因此要很勤力修身，才能回復未生囡囡時的體重。「生完之後重咗廿幾磅，好彩有纖體公司出手，令我唔夠一年就瘦番冇反彈。依家 98磅，仲想再 fit啲，可以有馬甲線就最好。後生女或未生過小朋友就容易有馬甲線，生完 BB都有就好勁喇！」看來她不單止對買磚頭有目標，對自己身形都有要求喎。