【房東涉毒】北京傳媒搶閘專訪 柯震東：絕不會再吸食大麻
2014-08-29 10:14:00
北京無論係公安定係電視台，都真係非常有效率。柯震東個人都未坐定未瞓過，已接受北京電視台獨家深情訪問。
柯震東今晨獲釋，回到下榻的北京麗晶酒店。北京公安唔止喺放人之前幫傳媒做晒功課發通告詳細交代最新詳情，就連內地傳媒都一早同柯震東方面聯絡，一出拘留所返到酒店就馬上接受內地傳媒訪問。第一家係北京電視台專訪，柯震東更承諾:「絕不會再吸食大麻。」
柯震東喺訪問中表示，吸食大麻係違法、害己害人，它對身體、自己的全部及生活周遭所有人，還有所有事情都有影響，唔想令佢哋讓他們難過。
發生今次事件，令愛護柯震東嘅人痛心不已，特別係雙親。承認有兩年毒齡嘅柯震東反省謂，「這件事情其實沒有任何理由，或是任何原因，就是我做錯事情，做錯事情就必須去面對、承擔，然後改正錯誤。」
柯震東又強調，再唔開心、再有任何負面緒，都絕對唔會再吸食大麻；都希望生活周遭嘅人，唔好再接觸任何毒品。展望將來，佢話希望未來每一日可以努力咁成長，遠離所有違法嘅事:「能讓我這次在這次十幾天學到的經驗，和這事件學到的經驗，影響到生活、身邊周遭所有人，或者是認識我的人，喜歡我的人，希望他們可以越來越好，跟著我一起越來越好。」
愧對家人
「這件事情其實沒有任何理由，或是任何原因，就是我做錯事情。」
|
鍾意就快D Share啦！
|
|
|