網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年9月24日 星期三

[FACE 383] 新生活 周永恒玩厭小三 Ruby 趙頌茹 9.25復出重生 Ruby,周永恒,趙頌茹,劉伊靜,MF,




19/9永恒口喝

上週五( 19日),本刊向周永恒追問有關同阿 Yu離婚同爭撫養權一事,佢全程只拋下一句:「你問佢啦,唔講嘢」之後就入咗超市買咗一大一細蒸餾水同一盒必理痛,仲即場喺收銀處開咗支水飲。雙眼冇晒神嘅周永恒,有冇咁口喝呀?

真面目

新生活 周永恒玩厭小三 Ruby 趙頌茹 9.25復出重生

周永恒被爆偷食兼打傷老婆趙頌茹,雖然事後做晒大龍鳳自認人渣,不過紙包唔住火,仲爆出同小三 Ruby劉依靜未斬纜,兩個蜜遊新加坡添!

經過連番打擊,阿 Yu體重跌至得番 90磅,不過渣男 Roy為求老婆返屋企,竟然走去教唆個女拍片講自殺,搞到 Yu都話好擔心兩個女,精神再一次受到折磨。醜事愈揭愈多,原來 Roy對 Ruby已經開始玩厭,仲唔聽電話試圖飛甩,小三當然發晒爛渣,衰到打晒電話叫人唔好搵 Yu做嘢,好在所有人都係企 Yu嗰邊,其中一間美容院仲搵埋阿 Yu做代言人,廣告今個星期四( 25日)就會出街,酬勞有 6位數字㗎!

為自己、為兩個女,阿 Yu加油呀!

唔聽小三電話

周永恒打老婆被判守行為 18個月,仲賤到出軌偷嗒小三 Ruby,婚外情曝光後,兩人都仍未斬纜,關係依舊。不過據聞周永恒終於玩厭小三,更開始唔聽對方電話,而 Ruby就日日打畀周永恒身邊嘅朋友,仲話自己已經乜都冇,點都要捉緊周永恒呢個水泡。

之前網上流出一批疑似小三嘅淫照,據知 Ruby都係靠情慾攻勢俘虜男人,名符其實姣婆遇上脂粉客!網上圖片

周永恒被爆偷食小三 Ruby,有網友爆出 5月撞見二人喺下白泥幽會,而婚外情曝光後,兩人仲同遊新加坡,愛得高調,完全懶理阿 Yu感受。網上圖片

Ruby Yu騷擾

小三 Ruby有計劃地拆散人哋家庭,事情發展至今,亦面臨被周永恒飛甩, Ruby又再度出陰招,今次仲想阻攔阿 Yu復出,真係沒有最賤,只有更賤!網上圖片

小三 Ruby被撇,原來致命傷係女方無時無刻嘅貼身追蹤。除咗打畀周永恒身邊朋友外,據知發晒癲嘅 Ruby,誇張到周圍打電話叫啲客仔唔好搵阿 Yu合作,擺明車馬阻攔佢復出,好彩班客啋佢都傻!

Yu拍美容院廣告復出

連番打擊,體重得番 90磅嘅阿 Yu,已經決定同渣男周永恒離婚,更表明會爭取兩個女嘅撫養權,亦已經計劃緊復出嘅工作安排。雖然小三 Ruby蓄意阻攔,不過坊間大部分客仔都好同情阿 Yu嘅遭遇,其中有一間美容院就搵咗阿 Yu擔任代言人,除咗有 6位數可觀酬勞外,廣告商對阿 Yu都非常關心,仲專登安排阿 Yu去做埋 facial,等佢以最靚一面去拍廣告,至於廣告就會係本週四( 25日)出街。

本月 12日,阿 Yu一支公去到大女信希就讀嘅幼稚園,帶住口罩嘅 Yu瘦到似骷髏人,一對鳳爪手、牙籤腳,連頸筋同手筋都現埋,最後阿 Yu話:「進入咗法律程序,乜嘢都唔講得。」《蘋果日報》圖片

今年 6月,模特兒出身嘅 Yu為活動擔任模特兒,行起貓步仲有型有款,只要肯努力日後定能獨力照顧兩個女。



鍾意就快D Share啦!