【凌晨爆大鑊】脹爆蔡楓華 拖六女嘆茶
2014-10-14 23:20:00
(採訪、攝影：徐錦池)
現年53歲蔡楓華（Ken）3年前終於完成紅館演唱會夢想，但早排佢又同歌迷講話會再入紙申請紅館檔期，不過最後申請唔到，被迫轉去荃灣大會堂開騷，個場雖然同紅館比差好遠，但票價竟然用紅館巨星價，最貴580元飛添。收得人咁貴飛，梗係要畀更多好嘢同歌迷睇上個禮拜三，應該忙緊演唱會綵排嘅阿Ken，反而同「六中女」一行七人去又一城嘆茶，而唔係排舞練歌或者好似一般歌手咁去跑步練氣。
距離開騷得番一個月，佢嘅身型仍然相當膨脹，就算全黑打扮，都遮掩唔到佢嘅肥腫身型，佢又幾次拎眼藥水出嚟滴眼，睇嚟眼乾問題都好嚴重吓。唔知係咪情人眼裏出西施？六中女明顯唔介意Ken嘅肥腫身型，佢喺酒樓大噴口水講唔停，大家依然聽得好投入，六中女離開酒樓嗰陣，更刻意等Ken行頭，然後佢哋跟住後面行，搞到佢好似巨星出巡咁，唔少舖頭職員走出店外睇吓邊個咁大陣象，最後佢同6中女分坐兩架的士離開，上車前中女仲幫佢開車門，認真架勢。
蔡楓華一拖六位女士去嘆茶，真係犀利。
|
鍾意就快D Share啦！
|
|
|