網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年10月15日 星期三

[FACE 386] 真的看透鳥 入行 43年首擔正  Hea爆歡喜哥:咪又係咁做! 歡喜哥,BKD_S,許紹雄,MF,




卧底劇常做常有,總有一班支持者。《使徒行者》大結局,不過熱潮未過,除咗電影版、續集有望,連歡喜哥都有機會獨立分拆開前傳。

真面目

真的看透鳥 入行 43年首擔正  Hea爆歡喜哥:咪又係咁做!

見好就收?呢支歌仔喺大台包保冇乜幾個識得唱!

一套《使徒行者》叫做近年難得有話題有迴響,大台上下即時絞盡腦汁將條卧底橋翻叮再翻叮。繼密鑼緊鼓籌備中既電視劇續集同電影版後,最新消息係開拍歡喜哥前傳,第一屆藝訓班畢業的許紹雄,捱足 43年綠葉終於等到擔正一日。

記者周一致電,原來身在橫店賺緊人仔的 Benz雄尚未收到風,聽完亦不以為然:「有乜咁開心啫?唓!咪又係咁做!」好聽啲叫擔正,講白啲咪即係又俾大台用到盡,難怪歡喜哥唔歡喜

其實 99年攞過金像獎最佳男配角,去年又憑《 My盛 Lady》獲得台慶配角獎, Benz雄就話樂做綠葉「好耐未試過有高潮。」

許紹雄 1971年加入無綫第一屆藝員訓練班, 43年前處男演出《歧途》做綠葉, 43年後 65歲演《使徒行者》歡喜哥一樣係綠葉。去年憑《 My盛 lady》做埋大台最佳男配角,唔使做男主角,一樣大把電影、電視角色家傳戶曉。若果傳聞中的歡喜哥前傳開得成,你話係重用定斷米路?

我好耐冇高潮!

周一(13日),記者致電,身在橫店拍劇中的 Benz雄,趕在埋位前接受電話訪問:「我𠵱家喺大陸開緊劇,(盛傳開《歡喜哥前傳》?)我冇聽過,等到事實先唔係男主角唔通就唔使做咩?做茄喱啡都要用心做架!做演員唔同做歌星,拍戲拍電視係 team work,每個位都要用心做,做得好,就算係茄喱啡就一個鏡頭都可以好多人講!(覺唔覺得個事業高潮嚟得太遲?)高潮?我好耐冇高潮架呢啲嘢冇所謂,遲早冇問題,冇咩特別興奮。但係我 12月返無綫開第二套劇,無論電影版定前傳,而家都係得個講字,未聽過有人正式同我講!」

'71開始做茄

71年藝訓班畢業後, Benz雄第一套參演的《歧途》亦是大茄,當時女主角是蘇杏璇。

同 Benz雄(後排左二)同屆畢業的首屆藝訓班同學包括蘇杏璇(第二排左二)、甘國亮(後排右四)及莊文清(第二排右一),當年邵逸夫都有出席畢業典禮影大合照。

Benz雄前傳自答

歡喜哥出身成謎,有望配角翻身做男主角,實情許紹雄出身富貴、家族顯赫,自己亦密密賺,養得起香港、新加坡兩頭住家同少妻,仲盛傳夥拍黃子華(現已退股)開補習社進賬幾百萬,三大都市傳聞一樣有潛力發展成人物傳記劇本。

傳聞一:許晉亨親戚?

出身的西關許家是廣州第一望族,太公許應騤是清朝一品大官、慈禧契仔,姑婆許廣平係魯迅妻子,叔公許崇智有份創立黃埔軍校,另一叔公許崇清則是前廣州教育局長,計落同許晉亨、李嘉欣都係親戚。

Benz雄家勢顯赫,同許晉亨、魯迅後人都係遠房親戚。《蘋果日報》圖片

做得呢行預咗俾人講,行得正企得正,有咩怕?不過我啲上幾代唔係教育界就係政界,同娛樂界完全唔同,我啲成就梗係同佢哋冇得比!

傳聞二:老夫娶少妻?

43歲突然娶得年青貌美新加坡太太龍嬿子,妻子與前夫育有一子,婚後五年又為 Benz雄添得一女,單身大半世的許紹雄突然變一家四口。

囡囡今年 17歲正將報考大學:「我同老婆好開通,佢外國同香港大學都有報,但對電影、表演就無興趣。」圖片

《忽然 1周》圖片

老婆係 85年去新加坡登台識,靠長途電話拍拖七年。佢學識高、樣又靚,都唔明點解會嫁我,唯一解釋係佢時運低我時運高囉。

傳聞三:補習社勁賺?

Benz雄 05年與黃子華夾份的補習社「 The learning Track」在銅鑼灣開業,有傳 Benz生意頭腦靈活過人,年年利潤以百萬計。

9年前同老拍檔黃子華齊齊夾份開補習社,據悉近年黃已退股。

老實講句,補習社頭四年都要蝕,最近幾年先至叫做收支平衡。上堂用電視教學嗰啲補習社就搵到大錢,我老婆最想學生學到嘢,老師一對五,點會搵到錢?



鍾意就快D Share啦!