[FACE 386 大專校園] IVE私影妹遇變態龍友：寧願踏實做 sales MF,

伍潁時 Wincy　 IVE酒店款待文憑　 Yr.1

一直要記者叫佢 Wincy嘅伍潁時自爆好憎自己個中文名，「小學嗰陣成日畀同學笑我做『五嚿屎』，又幫我改勁多花名，搞到我真係有啲想改名！」

U花 U草

IVE私影妹遇變態龍友：寧願踏實做 sales

好多女仔都恨做模特兒，以為企幾個鐘擺吓甫士就收錢閃人，總好過做 sales企成日對住啲自由行客受氣。

完全零運動細胞嘅 Wincy最憎做運動，反而由 5歲開始跳芭蕾舞，「芭蕾舞好靚，姿勢好優雅，一直跳咗 10年！」

不過做咗年幾兼職模特兒嘅吳潁詩（ Wincy）卻有另一見解，今年得 18歲嘅 Wincy，個樣生得甜又有 176cm高， fb自然有唔少龍友自動搵上門叫佢影私影，有啲開門見山問 Wincy可唔可以去酒店影，又問影唔影走光相，當中仲遇過戀足龍友，「最變態係有個攝影師要求我要着絲襪，仲慫恿我話着完再賣畀佢可以賺多啲錢，佢話朋友想要，但因為生得高好難買咁長嘅絲襪，聽到都知奇怪又變態！」

讀緊 IVE酒店款待文憑 Yr.1嘅 Wincy遇到嘅變態事當然唔只呢單，做咗年幾已經覺得呢行好複雜，「以前影相影得靚會好滿足好有成功感，但逐漸遇到好多影師要求都好唔合理，要我着超短裙同要夾胸，擺啲性感 pose，我開始對呢行好厭倦，自己唔想踩自己底線，要我低胸熱褲，我寧願踏踏實實做 sales！」

影過不下 10次婚紗相嘅 Wincy成日畀攝影師話佢勝在笑得甜又夠高，「我都鍾意影 wedding，不過夏天影要狂補妝同走景真係好辛苦！」

雖然 Wincy（右）比正常女仔高一大截，不過對男朋友要求竟然唔使高過自己，「高度唔係問題，最緊要成熟，照顧到我就 ok！」

鍾意就快D Share啦！

下一篇 》