網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年10月15日 星期三

[FACE 386] 自瀆片瘋傳 吳若希密友涉裸聊 14歲女生 吳若希,BKD_S,MF,




吳若希話冇同劉子健發展過,不過今年喺 5月成功同劉子健合照後,即係微博晒命,仲話自己成功集郵,擺明勁冧籃神。

網上圖片

封面

自瀆片瘋傳 吳若希密友涉裸聊 14歲女生

因為批評佔中人士而被高登仔唾棄除女神名嘅吳若希,雖然失去巴打支持,不過有大台撐邊使理你感受。大台睇起,最近仲話同打籃球出晒名嘅靚仔籃神 32歲劉子健撻着。

一度貴為甲一球隊南華得分王,劉子健夠高又大隻,樣子斯文外形同吳若希相襯。但最近網上流傳一批疑似劉子健喺 WeChat文字對話。內容係關於劉子健向一名 14歲未成年女生和另一女子提出裸聊。更甚係有段疑似劉子健自瀆嘅視頻流出。劉子健似乎精力過剩,不過撩未成年𡃁妹,因住犯法呀!









22歲吳若希擁 42吋長腿,笑得甜有雙彎彎眼成為宅男女神,最緊要吳若希喺大台撈得掂,先拍完《衝線》之後仲會拍賀年劇同蕭正楠談情。事業得意,愛情亦有景,最近就拍得女神被 32歲有南華籃球隊成員劉子健行街街。

一名甚似劉子健嘅男子,同網友玩視象對話。

畫面更有一名男子正在手淫,直至完事,全程特寫器官任睇。

第一段對話撩 14歲囡解決性需要

開場白

根據 WeChat對話,當時 14歲少女睇緊世盃途中,即係約 6月時被劉子健搭上。

問年紀

知道對方 14歲後,劉希望對方將對話內容保密。

入戲肉

傾多兩句開始入肉,自稱有正常需要。

開晒口

經過大約 45分鐘對話,直接叫女方幫助解決性需要。

第二段對話氹女方做

疑另一對話中,劉表示好想對方陪住,但女方不斷以「只同男友做」拒絕,加上一段男方 6秒聲音留言,引人遐想。

勁拍廣告

雖然劉子健未正式入行,不過於籃球界有「吳彥祖師弟」之稱。打甲一球隊南華以來一直受唔少女生歡迎。仲喺少數香港運動員有得拍飲品、護膚品及運動品牌廣告。近年又成馮允謙,胡鴻鈞等超級巨聲組成的籃球隊 VR1教練。漸跟娛圈混熟亦因此開始認識唔少姐仔,在其 Instagram內亦發現有 follow多名女歌手,顯然呢位籃神對娛樂圈甚為興趣。

可惜劉子健冧掂女神未滿足,上週四晚( 9日)喺籃球界流傳多段疑似劉子健玩 WeChat裸聊對話內容。呢名疑似係劉子健嘅留言以 Lauchi8(劉子健球衣號碼是 8號)名義跟女子對答。當中最大膽對話為向一位 14歲女生此外一提出要求,劉更要求該人保守秘密,另一段則發現女生以他不是男友為由拒絕。其後網上更流出疑似劉子健玩視頻對話截圖。除咗有劉子健樣貌,更有男性下體大特寫兼手淫行為,不過因屬分鏡,未肯定下體相是劉子健本人。

吳若希多次遭人撞破接載劉子健及於劉子健的荃灣寓所附近食飯,但問及緋聞男友係 WeChat識女仔,吳若希即落閘:「我冇同佢發展過。」

劉子健形象健康,上週四( 9日)仲接受大台《今日 VIP》訪問,不料同日晚上已有對話流出。

前隊友:我都睇過

據球圈中人透露,劉子健性格一向花弗,而此批「床照」及對話亦已於籃圈中瘋傳,本刊週一以書面向劉子健所屬的南華籃球隊求證,但未獲回覆。而另一位前南華球員、現已入娛樂圈的大隻模張嘉偉( Karl)則說:「我有聽過,亦都睇過 2張相,佢撩人自瀆吖嘛!以前同佢係隊友,我知佢以前有拍拖,佢咁高大靚仔,自然多女鍾意」

身為巨聲幫籃球隊教練,現傳出「床照」,成員馮允謙表示:「 Oh shit!我冇聽過喎!佢以前有女友嘅,佢好忙,唔會有時間搞呢啲嘢!」至於吳若希即劃清界線,週日( 12日)她出席港台活動時表示:「我同佢冇發展過喎!」說完即離去,週一本刊再致電吳若希,她只說:「對唔住,唔答得你!」而劉子健截稿前仍未回覆。

現已入娛樂圈的張嘉偉,曾跟劉子健做隊友,仲說:「有睇過!佢撩人自瀆吖嘛!」

除咗教波外, 8號仔劉子健亦有唔少代言廣告。除咗早前花王洗面膏外、水動樂亦搵佢代言。

籃神狂 add女星

去年吳若希約埋何雁詩等一齊睇劉子健打波,期間兩女仲同劉子健狂影相,何雁詩說:「我見過佢一次㗎喇!我識佢,佢唔識我囉!」

網上圖片

劉子健擔任馮允謙(左)、胡鴻鈞等人組成的球隊教練,聽聞床照流出,馮允謙不禁說:「 Oh shit!」

網上圖片

除咗拍廣告,劉子健最近亦喺 AGA熱爆嘅新歌〈一〉 MV中登場。

波友熟絡

劉子健唔只受女星歡迎,同圈中唔少打籃球亦混熟,更經常同余文樂打波,據知兩人亦相當熟絡。

劉子健 ig追踪 318位,其中不乏女星。粉絲數目都近 5800人,作為籃球員唔係明星,呢個數都唔少。

如何煉成溝女神器

能夠左擁右抱係唔少巴打願望,做到籃神的確會女人緣暢旺。但你需要以下條件,先至可以溝女唔使用劍。不過有齊所有架生都冇用,因為但講到尾都係要靚仔。

師弟被爆 扮女撩仔

劉子健疑似 WeChat玩裸聊,估唔到另一同門師弟更過份。一名叫 Monique的女性最近係 facebook大爆料。話呢位南華球員竟然冒認自己。籃圈盛傳有人實為同性戀,於網上扮女氹男除衫露械,據知至今已有唔少男性中伏。

Monique係 facebook踢爆有南華球員盜用其名及相,喺網上呃仔裸聊。

Monique更 cap埋裸聊罪證,放喺自己 facebook。



鍾意就快D Share啦!