[壹週刊 - 1303] 又落錯注失戀 Liddy掃 58蚊特價底褲 Liddy,李悅彤,M1,

探熱針

又落錯注失戀　 Liddy掃 58蚊特價底褲

去年同人夫彭順偷情斷正後，再發生父親李德仁吞槍自殺，雙響炮轟動全港的 Liddy（李悅彤）隨着彭順箍妻成功，她亦重投舊愛 Simon懷抱，各走各路。

洗底大半年，下月有孭正新戲《四非》上畫，將會復出宣傳的 Liddy，因為男友偷食導致分手。有工開，冇拖拍！

收十萬全裸

昔日因為有男友彭順做隱形監製， Liddy收十萬片酬接拍處女作《四非》，飾演充滿仇恨的孤女，要自慰、出浴露股、除剩內褲誘惑周柏豪……重口味演出，她一樣去到盡。

新片下月上畫， Liddy亦配合準備復工。事業從新出發，但跟翻撻只有半年的男友 Simon，卻再一次分手。

去年九月， Liddy被發現重投舊愛 Simon懷抱，情到濃時，更當街攬攬錫錫。以為押注在未婚的 Simon身上，可以有個避風港，可惜又再一次遇人不淑。據了解，個多月前， Liddy發現男友瞞住自己劈腿，有過錯愛人夫教訓的她，火速與對方斬纜，寧願甩拖過年，遠離三角關係糾纏。

新年期間，失戀 Liddy搵阿媽陪住買內褲，專攻特價 58蚊一條平價貨，綠同藍，唔 sharp唔要。

甩咗拖， Liddy對喱士性感睡衣仍然有興趣。

發現曖昧短訊

「 Liddy發現 Simon手機有啲曖昧短訊，有個女仔仲 send咗啲性感相俾佢，一睇就知係有路嗰種！以為同 Simon患難見真情，點知又係俾人呃。經一事長一智， Liddy發現唔妥即撇，唔會再嘥時間。」 Liddy身邊人爆。

年初三赤口， Liddy母女咇出動，二人在茶餐廳醫完肚，再到附近商場買內衣褲。

無乜收入要慳住使的 Liddy，專攻五十八蚊一條的特價內褲。雖然已過年初一，但 Liddy仍偏愛 sharp爆顏色，同一款買齊綠、藍、紫三隻色。揀完內褲睇睡衣，只見她攞住件喱士睡衣在鏡前左照右照，啱睇！買埋！

去年九月，同彭順各走各路嘅 Liddy，重投舊愛 Simon身邊，可惜翻撻半年，近日因對方偷食又玩完。

狠飛 Simon的 Liddy，新年唔係孖住阿媽，就搵「 Sing之天使」的老友郭穎橋陪行街。

慳住使的 Liddy，新年買平價底褲外，亦只係同阿媽去茶餐廳醫肚。

有機會見彭順

對於已跟 Simon分手一事， Liddy在電話中回應說：「係呀，已經分咗手。（因為發現對方偷食？）原因我唔會講，不過都多謝佢喺我低潮嗰段時間陪住我。（有冇再拍拖？）冇呀，邊敢咁快呀！都係專心工作好啲。」

稍後將要為新片《四非》做宣傳， Liddy隨時有機會跟彭順再碰頭。

「呢個係電影公司決定，我控制唔到喎！（你哋仲有冇聯絡？）梗係冇」 Liddy說。

去年初，背妻與 Liddy偷食的彭順，出錢出力開戲捧女友，讓她一嘗擔正滋味。（《蘋果日報》圖片）

又要除，又要自慰， Liddy在處女作一個字……搏！

新片全裸

Liddy在新片《四非》去到盡，除全裸出浴，仲有除剩底褲誘惑周柏豪。雖然身材唔算好有睇頭，但處女作性慾連場，有話題性。

《四非》宣傳片尾，發現男主角周柏豪亦有露股上陣。

鍾意就快D Share啦！

下一篇 》