全城熱爆的娛樂八封新聞 & 時事趣聞 & 生活 + 趣聞
13年母親節， Mani自爆未婚產女，轉眼 Honey已經 4歲，仲同媽咪一樣，有對波子眼。
身為英皇金牌經理人， Mani霍汶希手上藝人包括謝霆鋒、容祖兒、 Twins、張敬軒、仲有最近响內地一劇爆紅嘅陳偉霆，中港飛來飛去傾 job跟場一打七難佢唔到，唯獨湊住 4歲囡囡 Honey， Mani仲辛苦過去打仗。
早排《壹》仔喺中環 ifc見到 Mani抱住囡囡等司機接。同媽咪一樣有對波子眼嘅 Honey，唔願落地自己行，係都要媽咪抱住。但附近比較塞車，司機好耐都未到，抱女抱到手攰，加上 Honey郁來郁去， Mani百上加斤。如果呢一胎， Mani係生仔，相信眼前畫面，會好唔同。
Honey唔願落地，抱到手斷嘅 Mani，要「趷」起一邊腳借力。
司機終於到， Mani就算冇晒力，都夾硬打橫抬個女上車，同行親友就幫手照顧 Mani媽。
一手捧紅謝霆鋒、容祖兒， Mani管理藝人頭頭是道，但照顧囡囡又唔同講法。
