2015年2月26日 星期四

女神再發力 全智賢再奪廣告好感度冠軍 全智賢,




【韓流】女神再發力 全智賢再奪廣告好感度冠軍

2015-02-26 19:24:00



再奪廣告好感度冠軍嘅全智賢,早前喺新廣告照中微露事業線。

擔正神劇《來自星星的你》嘅全智賢人氣依然強勁,近日韓國廣告綜合研究所公佈咗「二○一五年一月廣告代言人好感度排行榜」,全女神再次登上榜首,擊敗第二名嘅滑冰天后金妍兒。

原本一直同二人叮噹馬頭、爭奪三甲位置嘅女團miss A成員秀智,今次排名就跌至第四位,將第三名位置拱手相讓俾綜藝節目《Running Man》主持劉在錫。

其他上榜打入十大嘅仲包括男星李昇基、金秀賢同玄彬等人。

另外,秀智早前控告一購物網店侵權,指對方擅自用「秀智的帽子」嚟吸客,但佢喺官司中敗訴。秀智對於判決不服,並已於前日提出上訴,而韓國法院稍後將決定開審日期。



秀智宗侵權官司日前被判敗訴,不過佢已經提出上訴。

鍾意就快D Share啦!
Related Posts Plugin for WordPress, Blogger...