2015年2月26日 星期四

[壹週刊 - 1303] 杜汶澤怕煩失風度 杜汶澤,M1,




由等車到上車,杜汶澤都冇幫身邊呢位小姐攞行李。

同你吟一吟

杜汶澤怕煩失風度

香港賀歲片票房鬥餐死,截至年初四(二十二日),暫時以《衝上雲霄》收 1,600萬成為票房冠軍,至於响新加坡,由杜汶澤孭飛嘅馬拉賀歲片《麻雀王》,暫時屈居《賭城風雲 2》同《衝上雲霄》之下排第三,並以大比數拋離吳君如擔正嘅《 12金鴨》。

新加坡發圍,另外杜汶澤做監製嘅電影《雛妓》,女主角阿 Sa有份角逐金像獎最佳女主角,三月仲會出戰大板亞洲電影節。

唔使旨意北望神州,但杜汶澤隨時有機會揚威海外。上個禮拜二(十七日),阿澤同個女性朋友响中環置地等車,就算女方又拖喼又手提行李,阿澤一樣繑埋雙手。咁冇風度,無非係知道自己俾鏡頭「隊」住,瓜田李下,做紳士隨時惹嚟閒言閒語。

咪咁傻咁天真啦,唔通影你兩格相,就寫你背住田蕊妮,帶女出入酒店咩!

擔正嘅馬拉賀歲片《麻雀王》票房報捷,杜汶澤即刻响 fb公告天下。

鍾意就快D Share啦!