身為霍家長房第三代接班人長新抱，郭晶晶去超市上糧，身邊居然連一個工人都冇。
同你吟一吟
郭晶晶霍啟人鬥慳家
有報導指，已故全國政協副主席霍英東嘅家族資產超過 300億港元，但所有霍家成員，每個月只能夠𢭃屋企嘅「零用錢」作為生活費，當中包括國寶新抱郭晶晶。
年廿九（二月十七日），《壹》仔見到郭晶晶一個人行銅鑼灣 city’ super上糧。前年幫老公霍啟剛生咗囝囝霍中曦，有指因為「阿公」唔夠工人分，保母全職湊 B，屋企嘅清潔打掃，就要响霍家大宅抽調人手；上糧當日，晶晶亦係親自出馬，仲要攞埋張單去搞停車場泊車優惠。
國寶新抱樣樣一腳踢，就算係「自己友」嘅霍啟人，亦唔例外。大年初一（十九日），霍啟人同女朋友走咗去跑馬地下午 tea，都係食幾十蚊有交易嘅碟頭飯，仲要一碟飯兩份分。
含住金鎖匙出世又好，嫁到有錢人都好，其實咪又係你睇我好、我睇
你好。
|
鍾意就快D Share啦！
|
|
|
