汪峰之「悲劇」人生 頭條到手都被截糊
內地搖滾音樂人汪峰呢位準新郎哥，家陣就幸福啦，成功向國際級影后章子怡
求婚成功。喺佢嘅一眾ex眼中，汪峰係一個負心人；而喺一眾網民心目中，佢就係一個……都幾悲劇的人。唔係話佢際遇悲慘，而係佢每次有機會因女友章子怡，成功上到頭條之際，每次嚿肉都被硬生生搶走。
第一次，就係2013年9月，汪峰喺微博暗示已同第二任老婆離婚，話晒汪峰都係著名歌手，以為一定會做頭條，點知撞正王菲同日宣佈同李亞鵬離婚。
第二次，同年11月，汪峰喺上海演唱會上獻唱《我是如此愛你》之前，深情獨白長達7分鐘，疑似向台下嘅章子怡表白。當時的確係好多人share。點知遇上恒大亞冠盃奪冠軍。有內地傳媒好幽默咁話:「除了汪峰，大家都在說恒大。」
第三次，汪峰出新歌，吳奇隆同劉詩詩宣佈戀情，仲有劉愷威楊冪婚訊。
第四次：登蒼山慘敗王力宏公佈戀情。
第五次：發新專輯慘敗張藝謀承認超生。
第六次：呢個絕對唔好笑，但也是巧合……公佈舉行巡迴演唱會，恰逢馬航MH370的慘訊。
直到前日，世紀求婚成功，將國際章收歸，今次汪峰終於可以威番次喇！
|
鍾意就快D Share啦！
|
|
|