網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年2月18日 星期三

[FACE - 404] 18年冇名份 求神趕小三 君如秘供香塔箍陳可辛 君如,陳可辛,吳君如,MF,




上週五( 13日),《 12金鴨》又搞首映又有 after party,陳可辛都一直陪住君如,兩人成晚連體一樣黐到實,盲嘅都感受到兩個有幾 sweet!

封面

18年冇名份 求神趕小三 君如秘供香塔箍陳可辛

吳君如陳可辛拍拖至今近 18年,囡囡陳是知已經 8歲,不過兩人未肯註冊結婚,仍以男女朋友身份同居;而且財政獨立,各自持有物業用作投資,現居的南灣豪宅以 19萬租住。

無名無份,加上 13年突然爆出陳可辛與內地女星田樸關係密切,女方更自稱係陳導閨蜜,雖然事後君如大方表示唔介意,但實則非常緊張,即時出招箍男友。

本刊發現君如在上環濟公廟長期供奉了香塔,濟公廟出名求姻緣夠靈驗,睇怕陳可辛點都走唔出君如的五指山!








49歲吳君如同 52歲陳可辛 97年開始拍拖, 06年誕下囡囡陳是知,一家三口非常幸福。不過甚少有緋聞的陳可辛, 13年突然被爆同內地女星田樸珺係「閨蜜」,女方自稱同陳導相識超過 10年,更發表長篇文章公開兩人相處細節,擺明向君如挑機。

陳可辛當眾送 12卡鑽戒,睇吓君如笑到合唔埋口,就知佢幾冧

陳可辛 02年拍《三更 2—餃子》與田樸珺合作過, 13年執導的《中國合伙人》咁啱係田的緋聞男友王石有份投資,當時女方忽然自爆同陳可辛係閨蜜,令吳君如要出招趕小三!《蘋果日報》圖片

哥哥、唐唐曾供奉

事後君如雖然霸氣回應:「不用理會甚麼閨蜜或龜蜜,反正我知道他的心(和財產)歸 me!」陳可辛亦識做補鑊:「閨蜜只有一個,就是吳君如。」不過君如其實十分擔心男友出軌,除了立即搬離淺水灣舊居,以月租 19萬搬到南灣道豪宅濱景園轉換環境,又到濟公廟祈福,希望箍實陳可辛。據知,君如以往都是用化名,以每年$5,400在上環濟公廟供奉香塔,不過本刊發現,今年君如忽然用真名,塔內字條寫上吳君如、陳可辛同女兒一家三口名字。

其實,當年哥哥張國榮曾在該廟供奉香塔,祈求與男友唐鶴德感情順利,據知當年哥哥都會在正月裝香、拜神和添香油,一次就買一年香塔;而濟公廟亦出名求姻緣,相信君如的確想借此保佑兩人感情。

位於上環太平山街嘅濟公廟,有唔少星級善信。

$5,400濟公廟一家三口點香

哥哥張國榮生前亦有同男友唐唐一齊喺濟公廟供奉香塔。圖片

82年出道的吳君如一向有求神問卜,出道廿幾年,星途果然一帆風順。圖片

濟公廟多星拜

上環太平山街的濟公廟有 145年歷史,廟內除了濟公,亦有地藏菩薩、和合二仙及月老等,特別有利姻緣及人緣,因此吸引唔少圈中人參拜。廟內的香塔長期滿額,有錢都未必有位!

君如長期供奉嘅香塔入面,寫齊一家三口姓名,每年 5,400蚊可保佑全家,抵!《蘋果日報》圖片

導演劉偉強亦係濟公廟善信之一。

《忽然 1周》圖片

小三傳婚訊

無獨有偶,自從君如供奉了香塔後,小三田樸珺同陳可辛已經斷絕聯絡,近日更有消息指田樸珺將會與內地地產大亨王石結婚。小三結婚了,君如最放心吧!

至於君如及陳可辛亦愈見恩愛,上週五(13日)君如宣傳新戲《 12金鴨》,陳可辛突然現身,抽汪峰和章子怡水,以航拍機向女友送上 12卡巨型鑽戒,搞到一向淡定的君如開心到眼濕濕,十足細路女見到玩具一樣興奮,仲急不及待自己搶戴上手,閃爆全場!當晚首映 after party,陳可辛亦陪住君如玩到尾,以行動支持女友。

被問到拜濟公一事,君如例牌否認用嚟趕小三,只係話純粹求健康。

裝假狗谷戲

君如喺《 12金鴨》入面反串做男人,呢幕講佢剝淨底褲冧客,要塞嘢裝假狗先拍到。

君如碌爆人情咭拍《金鴨》,勁多大星客串,連 EXO前成員鹿晗都畀面客串一角。《蘋果日報》圖片

秋生喺戲中飾演君如前輩,係鮮有唔使露肉嘅男星。

「我拜咗 20年!」

非常痛錫是知(左)嘅君如,知囡囡鍾意鹿晗,專登帶阿女嚟探班合照。

其實君如同陳可辛拍拖 18年,至今仍然未註冊成為正式夫妻,無名無份。每次被追問何時做陳太,君如把口話結唔結冇分別,但言語間亦曾透露希望結婚,「我曾經計劃過拍拖 15年時結婚,但原來不經不覺已經錯過咗,都咁多年,唔會再諗喇!」

上週五( 13日),君如為新片《 12金鴨》宣傳時,本刊問她供奉香塔,君如亦大方承認,她說︰「嗰間廟其實我已經去拜神好耐喇,起碼都 20年,都係求身體健康,冇咩特別求其他嘢,當係幫間廟添香油囉。」君如入行以來都順風順水,事業得意,今年又再次提名金像影后,而且新片《 12金鴨》亦被睇好成為今年賀歲片票房冠軍,紅足咁多年,添香油添足 20年都抵

霸氣趕小三

13年內地女星田樸珺在雜誌專欄自爆同陳可辛關係異常密切,聲稱每年都到泰國拜會對方父母,又不時收到陳可辛送的禮物,更以「閨蜜」稱呼對方,令人懷疑陳可辛背女友偷食。傳聞一出,君如輕鬆在微博回應,一句「反正我知道他的心(和財產)歸 me!」即刻將小三 KO,自此陳可辛再冇任何緋聞纏身,高招!

男友疑似偷食,君如輕鬆喺微博反擊,一招 ko小三!網上圖片

13年田自爆同陳可辛有曖昧,擺明要向君如挑機。《忽然 1周》圖片

盛傳田樸珺已同地產大亨王石(右)結婚。網上圖片

神級女星大迷信

娛樂圈講求觀眾緣同際遇,即使幾有實力都可能需要求神保佑。唔少女星都有自己信奉的宗教,年輕一輩甚至會種生基催運。有傳楊千和古巨基都試過種生基,柏芝則滿手佛牌,梁洛施亦被指曾搵澳門一個法師指點迷津。做呢行,真係求神好過求人㗎!

大寶法王噶瑪巴

深受名人追捧的大寶法王噶瑪巴,信徒包括王菲、劉嘉玲、趙薇等,她們甚至年年到印度朝聖,參加噶瑪巴的法宴;而一向篤信白龍王的梁朝偉,亦受嘉玲影響轉信法王。

嘉玲多年來信奉噶瑪巴,曾帶埋偉仔一齊出席活動。《忽然 1周》圖片

圖片

王菲早在 02年已手戴密宗手繩, 12年亦曾到印度朝聖學佛法。網上圖片

11年王菲喺「噶瑪巴 9百週年慶典」獻唱。《蘋果日報》圖片

寧波車

信奉藏傳佛教二十年的邱淑貞,早年拜紅冠法王夏瑪巴為師,更在銅鑼灣設立一間綠度母法輪中心,非常虔誠。邱淑貞亦不時帶女兒出席佛教活動,甚至有傳曾向法王求助,為老公追仔!

邱淑貞多次與寧波車喇嘛見面。《蘋果日報》圖片

白龍王

舒淇係圈中出名嘅白龍王信徒。

原名周欽南的白龍王, 13年因病去世,生前有多個圈中信徒,包括陳百祥、曾志偉、余文樂等,舒淇更每年至少飛泰國兩、三次拜見白龍王,當正對方係生神仙!

最經典

狄波拉多次被影到拜四面佛祈福,尤其是霆鋒 02年因頂包案入獄,拉姑更立即飛泰國為仔求神。有傳拉姑曾跳脫衣舞還神,但她否認,話只係搵咗 8個人在四面佛前跳舞。

圖片

《忽然 1周》圖片

鍾意就快D Share啦!