[FACE - 404] 貪就手 《美人魚》妹輪住陪 星爺暗交姚明巨胸表姨仔 星爺,美人魚,BKD_S,周星馳,MF,

在《美人魚》中有一幕低胸游水戲， Eva的驕人身材盡覽，星爺明俾位佢上。網上圖片

真面目

貪就手　《美人魚》妹輪住陪　星爺暗交姚明巨胸表姨仔

星爺周星馳為拍《美人魚》，早前搞咗一輪海選，終於選到幾位美人魚，咁精挑細選，梗係好嘢

除咗主角林允，另一位演美人魚嘅上海模劉馥怡（ Eva）唔單只身材勁，原來仲同星爺好鬼老友， Eva除咗喺 ig經常提起星爺，星爺仲送過親筆簽名電影 postcard俾佢添。 Eva仲自爆話星爺曾經問過佢 iPhone 4點用；而 Eva原來係姚明表姨仔，唔簡單㗎！

其他影片：>>星爺喪撩巨胸美人魚　 27歲姚明表姨仔：問我點用 iPhone

身高 174cm的 Eva，有料唔怕晒，着水着影相好閒。《蘋果日報》圖片

星爺監製的《美人魚》趕住埋尾，片中大量索人魚，真係眼都花，其中飾演美人魚之一的 Eva更好喜歡將自己同星爺的關係擺上網，喺其 ig內就有她偷影星爺背影的照片，又大晒星爺送她的親筆簽名相片，她更曾對本刊自爆說：「星爺曾問我 iPhone 4怎用！」出到問女點用電話呢招，星爺又真係老套咗！

偷影星爺

網上圖片

在片場冇人敢挑戰星爺，更加冇人敢影星爺相，係得 Eva咁大膽，仲叫人估吓佢係邊個。

出身富家女

俾得星爺睇中，其實呢位 Eva來頭亦不少，她父親是上海一銀行經理，家境富貴的她，三年前來港發展時就大晒驕人身材，去年的先施百貨廣告，亦是由她演出，最威水係， Eva的表姐夫原來是國寶姚明。單靠呢個關係，已經夠星爺加分啦，一般女仔，好難俾星爺睇得上眼囉！

Eva同錢國偉合照好大方，不過佢一早俾星爺睇中先，錢大導當然唔敢出手。網上圖片

Eva在微博仲勁晒星爺親筆送嘅答名 postcard，原來啲女真係會當寶。網上圖片

早前星爺難得在港，亦約了另外兩位少女在九龍城食潮州菜，兩女一見鏡頭便即刻左閃右避。《蘋果日報》圖片

姚明係表姐夫

網上圖片

Eva劉馥怡父親做銀行業，家境富裕，更是姚明親戚，在內地人脈唔講得笑！

拍先施廣告

來港代表作算係先施電視廣告，由頭帶到尾！電視畫面

Eva（劉馥怡）來港 3年，現屬 Stazpeople旗下 model， 2年前在軟硬×草蜢演演會中擔任舉牌女郎。網上圖片

《美人魚》件件大胸

想做星女郎唔係咁易，上年《美人魚》海選鬼咁墟冚，結果內地演員林允被選中做女一，其餘配角仲有本地薑蔚雨芯同寸嘴 Barbie夏尉喻加埋 Kabby同 Eva，真係件件魚都有咪睇！

林允

林允樣貌清純甜美，但早前被網民起底，指 19歲的她曾因群毆同校女學生，被派出所拘留了 15日；又傳她曾在學校做假貨代購，有過 4個男友卻說未拍過拖，周星馳助理陳振宇則回應：「白痴！有證據再說。」

夏尉喻

夏尉喻自稱同林允好熟，因為戲服又薄又性感，唔可以貼暖包，於是同林允研究咗四川辣椒保暖食譜，落水唔怕凍親咁話。

蔚雨芯

蔚雨芯在海選時落敗，但自爆星爺喺台上突然走埋佢身邊握手，又同佢講會預佢演一角，咁事實有冇份演呢？到時睇戲至知喇！

鍾意就快D Share啦！

下一篇 》