李錦聯係大廚，大王係副手，但大王就唔聽大廚話事，死都唔放龍蝦落鑊，咁咪搞搞震囉！
全知言
大王安德尊勁惹火
出名嘈嘈閉、人稱「大王」嘅安德尊，都有一段時間無喺下午播出嘅《都市閒情》教煮餸環節出現。上週一（ 9日）大王激罕現身同李錦聯一齊煮一味「金不換蜜汁龍蝦」，結果又係火花四起。
其實 4年前二人已經喺同一節目中結怨，當時李錦聯仲大爆大王被雪藏，「安德尊做嘢不嬲都霸道，表演慾又強，好阻礙想靜心睇節目嘅觀眾。」估唔到事隔 4年，安德尊仍然咁好火。
大王除咗同李錦聯不和，就連阿 Bob同佢都有過節，話說張美妮結婚當晚搵咗大王做 MC，點知飲到半醉嘅阿 Bob突然衝上台搶咪：「你收皮喇！你好大聲好嘈呀！知唔知呢度係婚宴，唔係春茗呀！」事後張美妮同其他賓客都拉返阿 Bob落台，結果喺去年嘅《年代大激鬥》中，大王不時稱 Bob做「死肥 Bob」，見阿 Bob食螺絲又即刻大大聲鬧佢，有傳二人大打出手，比高層照肺囉！
其實安德尊都成 53歲人，收火啦好心！
|
鍾意就快D Share啦！
|
|
|
