2015年2月18日 星期三

[FACE - 404] 大王安德尊勁惹火 安德尊,MF,




李錦聯係大廚,大王係副手,但大王就唔聽大廚話事,死都唔放龍蝦落鑊,咁咪搞搞震囉!

全知言

大王安德尊勁惹火

出名嘈嘈閉、人稱「大王」嘅安德尊,都有一段時間無喺下午播出嘅《都市閒情》教煮餸環節出現。上週一( 9日)大王激罕現身同李錦聯一齊煮一味「金不換蜜汁龍蝦」,結果又係火花四起。

其實 4年前二人已經喺同一節目中結怨,當時李錦聯仲大爆大王被雪藏,「安德尊做嘢不嬲都霸道,表演慾又強,好阻礙想靜心睇節目嘅觀眾。」估唔到事隔 4年,安德尊仍然咁好火。

大王除咗同李錦聯不和,就連阿 Bob同佢都有過節,話說張美妮結婚當晚搵咗大王做 MC,點知飲到半醉嘅阿 Bob突然衝上台搶咪:「你收皮喇!你好大聲好嘈呀!知唔知呢度係婚宴,唔係春茗呀!」事後張美妮同其他賓客都拉返阿 Bob落台,結果喺去年嘅《年代大激鬥》中,大王不時稱 Bob做「死肥 Bob」,見阿 Bob食螺絲又即刻大大聲鬧佢,有傳二人大打出手,比高層照肺囉!

其實安德尊都成 53歲人,收火啦好心!

11年嘅《今晚食乜餸》,大王已經好大動作,好似想批踭李錦聯咁㗎喇!

《年代大激鬥》去年播出,心水清嘅觀眾應該睇得出大王同阿 Bob喺入面真係大激鬥!

大王(紅圈)當年喺亞視出道,曾經拍住林建明做過《今日睇真 D》,又參演過亞視劇集,不過冇乜人記得!

鍾意就快D Share啦!
Related Posts Plugin for WordPress, Blogger...