熱爆娛樂: [FACE - 404] 究竟齊昕最啱做乜角色？齊昕,梁齊昕,MF,

2015年2月18日星期三

上週二（ 10日），齊昕本來應承出席新戲記招，但又忽然放飛機，得番李逸朗同導演（中）撐場。

呢期最紅係邊個？全知言就話梗係阿齊昕囉！

仲唔係風頭人物？先甩底新戲記招，之後又神化現身中環，全城記者追蹤，做足大龍鳳！好，先唔問你覺得齊昕真人係咪靚過上鏡先！（好難答囉！）今期問大家最想佢做乜角色先

做學生啦，好似好細個咁樣，學生好！做一個活潑嘅學生

我諗梁小姐佢可以演嘅範圍都幾闊嘅，我哋見到佢嘅性格都經常性有一啲突變啦，咁所以我諗佢演一啲比如活潑啲，或者係比較飄忽少少嘅角色，佢應該會掌握得幾好。

我喺新聞度聽番嚟話佢想拍三級片，係好吸引㗎喎！我想睇吓我哋偉大嘅特首個女，拍三級片會有咩效果呢？同埋我真係好想睇吓佢爸爸同埋媽媽會有咩反應。同埋我覺得佢同李逸朗加埋都會有睇頭，喺呢個情況底下，李逸朗會令齊昕變咗傻女，所以我好想睇呢個組合。

如果我係一個導演，想搵一個 cast比梁齊昕小姐嘅話呢，首先佢係梁生個女啦，咁少不免一講起佢個名都會諗起政治嘅，咁我諗我搵佢做一啲比較政治嘅電影啦，可能係某一啲角色，睇吓係正定反派咁個迴響會大啲，同埋個 gimmick會喺度囉。性感就，逐步嚟

可能會係啲比較妹妹仔啲啦，突破挑戰吖嘛，佢個樣應該係乖巧啲，學生嗰啲

真係好少留意佢啲嘢，知道佢會拍戲，但係唔知覺得佢應該拍咩！佢可能做一啲 OL啩？

OL可能好啲，即係似啲，學生可能未夠。佢個樣比較唔係後生樣， OL就會比較啱啲囉，成熟啲啦。

知無不言　言無不盡　我係全知言

鍾意就快D Share啦！