現年 24歲的李侑菲，就讀於韓國著名學府梨花女子大學的聲樂系，而媽媽甄美里亦是資深女演員，曾飾演《大長今》的崔尚宮，所以侑菲唔只唱得，更遺傳阿媽嘅演藝細胞。
韓飯台
享受拍《 Pinocchio》 李侑菲想野生捕獲周潤發
韓劇《 Pinocchio》雖然已於上月中大結局，但因口碑好，唔少 C9仲覺得唔夠喉，要重新翻煲。《 Pinocchio》除令男女主角朴信惠和李鍾碩紅上加紅，更令女配角李侑菲上位。
早前，李侑菲獲邀來港出席時裝品牌活動，同時抽空接受《 FACE》專訪，提到同韓劇一姐朴信惠合作，李侑菲大讚信惠前輩靚女又好戲，但講到偶像，原來李侑菲一直好崇拜香港巨星周潤發，仲話想同發哥一齊拍戲，估唔到連韓星都想野生捕獲發哥喎！
上月尾，李侑菲曾來港出席 iiJin時裝活動，但出騷前一日，李侑菲原來靜靜雞同 DaDa陳靜去尖沙咀血拼（上圖），期間李侑菲睇潮鞋睇到唔捨得走。
1.《 Pinocchio》中跟朴信惠及李鍾碩合作，有乜嘢得着？
真係好開心，因為之前已同信惠姐姐一齊拍電影《尚衣院》，之後又可再次合作拍韓劇《 Pinocchio》。其實李鍾碩同朴信惠兩位演技都好好，外表又好看，所以拍攝時候好享受，覺得好幸福。
2.劇中你經常喊，現實中你係咪一個喊包？
現實中我的而且確係一個大喊包，但唔知點解，演喊戲對我來講，仍係一件好困難嘅事。
3.最近憑《 Pinocchio》一劇捧走 SBS演技大賞新星賞，有乜感受？
真係好多謝大家，我覺得今次攞獎是叫自己更加努力嘅意思，所以我會更加努力去做一個好演員。
而我今年嘅目標係想比𠵱家更健康，如果體力可以變得更強，我拍戲會拍得更開心。
4.首次來港，對香港嘅印象點呀？
其實來香港之前，我對香港期望唔大，但來到機場我見到好多歡迎我嘅 fans，覺得難以置信，真係好感動。
|
鍾意就快D Share啦！
|
|
|
