2015年2月18日 星期三

[FACE - 404] 佘詩曼同謝天華傾湊仔 佘詩曼,謝天華,MF,




可能好耐無見,阿佘一見謝天華即時笑晒,仲起勢問佢 BB近況,當然呢位新任 Daddy都好樂意咁同老友分享喜悅

全知言

佘詩曼同謝天華傾湊仔

上週四( 12日)電影版《衝上雲霄》首映,有份做主角嘅佘詩曼當然扮到靚靚咁出席!喺戲中同古天樂飾演一對,但實際上阿佘都係同大台同事 friend啲,新任 Daddy謝天華仲專程嚟捧場,搞到阿佘鬼咁開心,恭喜佢之餘,仲猛問謝天華湊仔辛唔辛苦,阿佘忽然母愛出晒嚟!

輪到 Sammi行過都忍唔住即刻恭喜謝天華榮升老豆, Sammi同謝天華傾到眉飛色舞,不如同安仔生番個

睇完戲都已經 11點半,謝天華就趕住返屋企湊仔,識做兼出名爛玩嘅阿佘當然冇托老闆林建岳手踭,去咗銅鑼灣打邊爐啦,食足 2個鐘,阿佘已經帶住微醉嘅身軀,乖乖返屋企大覺瞓,睇嚟阿佘啲母性都係三分鐘熱度。

上樓打邊爐前,阿佘仲好精靈咁講住電話自己行(左下圖), 2個鐘後飲大兩杯嘅阿佘已經要人扶兼扥住頭上車返歸。

鍾意就快D Share啦!
Related Posts Plugin for WordPress, Blogger...