熱爆娛樂: [FACE - 404] 王氏出品　撞樣家族接李亞男入門　王祖藍餅印妹靚晒迎賓祖藍,李亞男,王祖藍,MF,

2015年2月18日星期三

[FACE - 404] 王氏出品　撞樣家族接李亞男入門　王祖藍餅印妹靚晒迎賓祖藍,李亞男,王祖藍,MF,

教堂行完禮，祖藍同李亞男就到迪士尼化身王子同公主進行切餅儀式，夜晚就擺足 55圍好友歡聚。

真面目

王氏出品　撞樣家族接李亞男入門　王祖藍餅印妹靚晒迎賓

「長短腳之戀」終於開花結果， 2月 14日情人節，王祖藍同李亞男在教堂行禮，李亞男正式入門。祖藍闔家總動員出力撐喜事，同祖藍似足餅印嘅妹妹仲特登執靚個樣，原本四眼「 Handelababy」 look唔見咗，樣靚心情好，仲出盡力幫阿哥同阿嫂招呼迎賓添！

其他影片：>>祖藍結婚　阿妹變靚迎賓

王祖藍同李亞男先喺台慶夜做場求婚大龍鳳搶收視，其後被質疑造假，但無損兩人「吸金」效應，即時惹來各廣告商踴躍贊助，酒席、婚紗、禮餅、連度蜜月都有贊助，行完禮翌日仲喺迪士尼大擺 55圍，收人情都收到手軟，結婚隨時賺一筆！

王祖藍一家人嘅樣個個似到十足，同媽咪相似度更達 99%，祖藍行完禮將張相放上微博，特登圈埋兩母子個餅印樣，成功呃到 6千個 like！

祖藍婚禮，細妹幫手打點，仲執番靚個樣，唔帶眼鏡，又染埋個紅啡頭，個樣省鏡好多。

王祖藍、媽咪同細妹，三個人一個樣，仲有傳祖藍當時扮「 Handelababy」扮到咁維妙維肖，背後全靠有細妹呢支盲公竹咋！

網上圖片

四眼娘 look

祖藍一直以來都好少提及細妹，不過細妹早前就被影到同翻版房祖名拍拖，當時的祖藍妹仍是四眼妹 look。

《忽然 1周》圖片

阿妹變索唔認得

35歲王祖藍同 30歲李亞男選擇情人節在教堂行禮，鍾嘉欣、岑麗香、郭晉安和錢嘉樂等圈中好友組成星級伴郎伴娘團，到場觀禮嘉賓位位份量十足，有許冠文、薛家燕和鄧萃雯等。

不過為婚禮最出力的當然是王氏一家除咗祖藍媽咪、舅父同嫲嫲出席，仲有曾經被雜誌拍到長髮四眼 look嘅細妹，當時被指激似祖藍所扮演嘅「 Handelababy」角色，報導一出搞到細妹嬲爆，最後要祖藍出錢請去歐洲旅行先拆掂。

廿四孝哥哥舉行婚禮，細妹都好識做，事前悉心打扮變靚啲，在教堂行禮當日不停招呼親友，不過好多人都唔認得祖藍妹，要王媽媽四圍介紹。翌日(15日)，祖藍、亞男在迪士尼擺酒，阿妹又落力打點，但上次被雜誌影到阿妹個男朋友，婚禮當日又唔見人，唔通阿妹變靚咗要求都高咗？

王祖藍去年以 1,338萬買入位於雅景花園的 4千呎愛巢，後來裝修超支七成至 500萬埋單，好彩婚禮多贊助，就算超支七成都只係碎料！

情人節行禮當日，新郎哥王祖藍已經爆喊，「我平時嘻嘻哈哈冇爆出嚟啫，呢個地方好特別，睇住我大，每一個親友都好 warm、好窩心。」

「你係上帝派來嘅天使，感謝你嘅愛圓滿咗我嘅生命，我愛你，但我嘅愛並唔完美，我願意用我嘅餘生同你一齊，喺上帝裡面學習乜嘢係愛，縱然我哋都係罪人，但我哋嘅感情充滿恩典，但願我哋個婚禮能夠被神使用，從今以後，我會專一服侍你，正如我專一服侍神一樣。」