2015年3月4日 星期三

湊 2歲 Torres仲未夠 千嬅俾 5個𡃁妹生擒 [FACE - 406] Torres,楊千嬅,千嬅,MF,




草地咁多昆蟲,小朋友驚到爬晒喺千嬅身上,場面好搞笑。

全知言

湊 2歲 Torres仲未夠 千嬅俾 5個𡃁妹生擒

楊千嬅主演的電影《五個小孩的校長》,是改編自幼稚園校長呂麗紅的真人真事,大部分戲份,千嬅都要同 5位五、六歲零演戲經驗小孩做對手戲,開拍前千嬅都擔心應付唔到。

好彩屋企有個 2歲幾嘅 Torres,千嬅直言個仔出世之後,自己耐性都多咗,亦明白同小朋友溝通秘訣。開拍前千嬅抽咗兩日時間同佢哋熟絡,食吓嘢講吓笑,話咁快就 friend咗!不過開拍時係夏天,有一場要喺郊外拍攝,就令 5個小朋友失控,千嬅說︰「嗰日好曬,大人都覺得辛苦,何況係小朋友?郊外又多昆蟲,我都驚結果佢哋爬晒上我身。」戲中 5個小演員,係由四百多名小朋友挑選出來,千嬅大讚佢哋有演戲天份,咁會唔會考慮俾 Torres亮相大螢幕呀?

天氣太熱,拍咗幾小時小朋友已經曬得好辛苦,導演馬上停機休息。

呢個飾演嘉嘉嘅小演員,連姜皓文都大讚好戲,一句對白仲令黑仔同劉玉翠爆喊添。

唔只小朋友,劉玉翠和姜皓文都跑到索晒氣,唔怪得黑仔拍完套戲成個人瘦晒!

Torres今年 6月就 3歲,千嬅亦多咗時間湊仔,最近一家三口就去新加坡旅行添!

網上圖片

網上圖片

由開拍至今,千嬅同 5位小朋友日見夜見,見得多過 Torres,仲請埋佢哋去睇演唱會添!

網上圖片

鍾意就快D Share啦!
Related Posts Plugin for WordPress, Blogger...