2015年3月4日 星期三

大回歸 離大台 22年  55歲白髮吳岱融 北漂 comeback [FACE - 406] 吳岱融,MF,




55歲吳岱融當年都叫靚仔小生,不過年過半百、白髮、皺紋就唔少得,保養吓應該係型男。

網上圖片

真面目

大回歸 離大台 22年  55歲白髮吳岱融 北漂 comeback

大台小生花旦離巢,造就唔少中坑發圍,睇最近播完嗰套《 4個女仔 3個 Bar》,完美奸人 52歲鄭子誠可以咀 33歲唐詩詠 10秒,就知斷層有幾嚴重。

可能大台以為師奶鍾意熟男,最近更重簽外闖 22年嘅 55歲吳岱融回巢,喺新劇《刀下留人》飾演終極奸角,同劇孭飛係 55歲黃德斌同 50歲邵美琪。北漂多年,滿頭白髮嘅吳叔叔,拍新戲因住扭親條腰喎!







林峯轉投英皇,杏兒又話完約即走,大台小生花旦買少見少。除咗孭飛主角冇人,甚至連二、三綫角色都超缺,造就一班中坑上位,剛播完嘅《 4個女仔 3個 Bar》要搵鄭子誠配唐詩詠,曾航生同姚子羚偷情就知大台冇人。

結婚 20年,吳岱融同老婆鍾淑慧及兒子關係融合,中秋節仲一齊喺床上自拍添。

'93拍《殺兄》露雀

當年 35歲吳岱融全祼拍《替天行道之殺兄》,戲中同老婆鍾淑慧有三場情慾戲。

接三級片

93年吳岱融《滅門慘案之孽殺》,同鍾淑慧有唔少床戲,之後拍拖,更喺 95年結婚,婚後二人北上發展,吳岱融除咗拍劇,仲同老婆鍾淑慧接不少大陸登台騷,兩公婆拍住上。

強國密拍劇

唔想演員不停 loop,大台惟有重簽舊將,最近新劇《刀下留人》劇中大奸角就搵嚟 55歲吳岱融回巢。其實吳岱融 80年代為大台當家小生,當年同梁朝偉拍《絕代雙驕》飾演花無缺, 93年拍《滅門慘案之孽殺》時同戲中女主角鍾淑慧撻着, 95年結婚,更育有一子。吳岱融仲喺《替天行道之殺兄》露埋下體,當年都相當震撼。

之後吳岱融主力返大陸拍劇,多做父親角色,戲分不少,酬勞亦有 10萬人仔一集。去年接受亞視《男人經》訪問,他曾話過:「大陸拍一套等於香港拍成年。」今次返嚟重簽大台,全因戲劇總監曾勵珍吹雞,喺新劇《刀下留人》吳岱融做大奸角,喺劇中同主角黃德斌、邵美琪有唔少對手戲。 3位主角加埋 166歲,一把年紀仲要打打殺殺,買重保險穩陣喎!

老餅重聚

吳岱融回歸大台拍《刀下留人》,仲同區瑞偉合作,二人早在 88年《絕代雙驕》已經合作。

網上圖片

北上捱凍

吳岱融近 10年經常北上拍劇,當然有微博啦,仲成日上載拍劇的情況,喺遼寧遇大雪都識 selfie,大叔唔 out㗎。

網上圖片

北上超過 10年,吳岱融(左)多做老爺角色和配角多,但都有 10萬人仔一集,好搵過香港好多。

網上圖片

當年同梁朝偉一齊拍《絕代雙驕》,當時得 29歲的吳岱融絕對稱得上靚仔小生。

網上圖片

中坑常出現

小生冇人造就中坑上位,除咗吳岱融 comeback,連爺爺級別嘅威利都返大台幫手,加埋早前鄭子誠、曾航生和黃子雄等。呢班年過半百熟男喺大台認真有市。

65歲威利爺爺喺新劇《鬼同你 OT》同朱咪咪談情,劇中仲會被 20歲訓練班妹妹色誘,重口味到呢!

曾航生 14年先簽大台,最近喺《 4個女仔 3個 bar》升做男三,劇中同姚子羚搞婚外情。

電視畫面

奸到出汗嘅鄭子誠竟然可以咀花旦唐詩詠 10秒,戲中仲做風流律師,真係冇人到咁?

電視畫面

黃子雄同陳庭欣年紀相差 22年,但喺《愛.回家》劇中飾演一對,真係難為後生女喇!

電視畫面

鍾意就快D Share啦!
Related Posts Plugin for WordPress, Blogger...