朱慧敏落舖玩制服誘惑
藝人朱慧敏（Queenie）早前宣布獲男友彭懷安（Eddie）成功求婚，成為「待嫁新娘」的她昨日於灣仔為紅十字會活動任嘉賓。期間Queenie自爆對制服有情意結：「細個係紅十字會成員，上過急救班但人工呼吸肥咗佬！我覺得制服好靚，依家落舖頭幫手都鍾意着。（未婚夫都鍾意你着制服？）佢話我着咩都靚！」問到她曾否捐血？Queenie自爆與未婚夫捐血當拍拖。
現場記者笑問她籌備婚禮是否「大出血」？她搞笑自爆被預算嚇到頭暈：「唔係大出血呀，係暈咗！（你多要求？）我好知慳識儉，不過用錢總數未計，多謝有贊助商支持同畀折扣。」Queenie笑言會幫未來老公慳住荷包，而忙拍劇及睇舖的她仍暫未構思何時拍婚紗照。
|
鍾意就快D Share啦！
|
|
|
