全城熱爆的娛樂八封新聞 & 時事趣聞 & 生活 + 趣聞
老婆大傷風都照當街 kiss，呢啲咪愛嘅表現囉！
除咗高 Ling外，梁政珏可算係大台咪神之一，不過梁出身富貴，戀愛大過天，所以鬥心有限，自從同北海道牧場餐廳老闆何思源 John拍拖後，更加唔願做，上年 12月入紙結婚，做咗人妻嘅梁政珏生活真係多麼的逍遙，得閒玩下瑜伽，跟住喪買 Chanel。上週三（ 25日）見佢同老公喺老銅拍拖，當日何太好似有啲感冒，全知言見佢包晒雲吞，不過老公一於少理，當街法式濕吻，完全冇理過流感高峰期呢樣嘢，呢啲咪愛情囉。唔使做，老公又錫自己，做女人都係求呢啲㗎咋！
老公食到好滋味，但梁政珏就掛住包雲吞，包到面容扭曲。
《蘋果日報》圖片
上年 12月底梁政珏同老公何思源入紙結婚，女神正式被私有化，大家又少個咪神喇！
結咗婚，老公錫到燶，仲為老婆開車門，梁政珏歎慣，開車門呢啲基本功唔可以漏。
梁政珏同大台仲有約，不過富家女唔願做，得閒就去 Pure做 yoga等老公收工，呢啲生活去邊度搵？網上圖片
