2015年3月4日 星期三

剩番$7.94死唔去 黃竣鋒拍美劇:人工幾好! [FACE - 406] 黃竣鋒,MF,




問黃竣鋒如果牙齒可以當金使,佢會唔會剝牙?佢笑咗幾秒後答:「啲牙都好矜貴喎!一隻幾萬蚊,唔會喇,我未去到咁盡嘅,好多嘢可以搵到錢嘅!」

爆 Like王

剩番$7.94死唔去 黃竣鋒拍美劇:人工幾好!

亞視拖糧,曾奪亞洲先生季軍的黃集鋒(現名黃竣鋒)大呻戶口得番$7.94,要問人借錢度日!近日他被一間室內設計公司睇中邀拍廣告,教你得$7.9點樣過肥年,自嘲得嚟又睇得過癮!

跌到谷底真係有得翻身,黃竣鋒已經衝出亞洲,唔只係亞洲電視,而真正係去咗拍美劇、拍電影,亞視執唔執笠已經唔關佢事!

F:《 FACE》 黃:黃竣鋒

F:亞視拖糧叫員工借錢,觀眾又成日叫亞視執笠,你點睇?

黃竣鋒( Jason)被室內設計公司睇中,在 7分鐘廣告片內教人用$7.9過肥年,夠晒綽頭。網上圖片

黃:我第一個反應係有冇搞錯呀?嘩!我哋幾辛苦呀!我幫你打工,你唔出糧,仲叫我借,好離譜!我覺得搵笨啦,但我哋唔會笨得咁交關!但邊個(股東)接手都唔係容易,如果執笠,咁多個員工就冇咗,其實唔一定要執嘅,睇下投資者點做啫,最緊要有自己嘅節目,應該拍劇,先可以留到人才!

F:點解 12年去選亞洲先生而唔去選港男?

去年底因亞視拖糧而戶口得番$7.94,他無奈將照片放上微博,反而一窮成名。網上圖片

黃:好老實講,我係好想入娛樂圈嘅,當時係想(選港男),嗰時我已準備好,用 8個月操 fit呀、強化知識呀;但當年劉公子嗰件事,無綫出咗好多人話啲香港先生乜乜乜呀,話俾劉公子請咗返屋企又點點點呀,我都唔想去,個名聲都唔好聽嘛,港男除晒衫俾人影相!個質素都好懷疑(亞視老闆王征都被傳對亞生博懵)

F:戶口得$7.94點樣過生活?

黃:睇住嗰部(櫃員機)㩒落去嘅時候,又係咁多,唉!點算呢?人哋點解有咁多錢呢?我又冇呢?就影番張相(激)勵下自己。冇錢同阿媽攞囉,冇辦法㗎!我話唔想衰俾啲朋友睇,有啲朋友借錢俾我,點講呢?做得呢行,個個都覺得你身光頸靚,覺得你好有錢,點願意衰俾人睇?試過欠兩個月屋租同電話費,咪度度借吓囉,𠵱家欠人哋 6位數,但我有信心還得到。

12年選亞洲先生奪季軍,當時亞視已幾乎冇劇拍,他只主持過幾個飲食節目。網上圖片

因為有功夫根底,當時仍未改名的黃集鋒已被選中參演美劇《諜影迷情》及電影《黑客特攻》,演特工和飛虎隊。

F:除咗美劇同《金鴨》,仲會有咩新發展?

黃竣鋒在《 12金鴨》演男妓,同容祖兒有對手戲,但因呢張合照曝光而被電影公司懷疑他放料,叫停他的宣傳工作,但據知 Jason只係食死貓,放料者另有其人。《蘋果日報》圖片

黃:好彩出面有人識我,有副導演推薦我去拍,做咗兩、三集演特工,人工幾好,因要動作要打鬥;𠵱家離開咗亞視簽咗新公司,準備去美國 casting。最近同容祖兒拍咗《 12金鴨》,佢都問我真係得番$7.9呀?又關心吓我屋企人呀,公司啲糧出未呀咁,佢勸我對呢間公司唔好咁大希望呀!唔好預佢呢個月出糧,可能一年半載,你個心咪舒服啲囉!

鍾意就快D Share啦!