翻版高 Ling都有 33C，樣貌、身材都同正版高 Ling十分相似，唔知星途又有幾似呢？
真面目
認親認戚 宅男新寵翻版高 Ling 捕獲發哥認「老豆」
如何「捕獲周潤發」近日成為熱話，早喺 19年前，當時仲係童星的向殷（ Cecilia）已經識生擒發哥，仲同時擒埋夏文汐！巴閉
2歲已經入行做童星的向殷（ Cecilia），讀完書一心向演藝界發展，早前網上一段《我的女神 Miss》微電影，令 Cecilia成為新一代宅男女神，仲被網友封為翻版高 Ling！望真啲，真係同初出道高 Ling有幾分似喎！
只有 21歲的向殷（ Cecilia）去年開始活躍娛圈，與周秀娜合作拍過《惡胎》又演過舞台劇《踩界》，但都反而不及一段網上微電影厲害，她拍的《我的女神 Miss》，着住低胸衫做 miss，又 sexy又嘟嘴，已經迷暈成班宅男，個個要瘋狂起佢底。
96年 Cecilia只得 2歲，已經同周潤發、夏文汐合作拍咗個 3分幾鐘嘅電訊廣告。雖然與發哥同場機會極少，但有得做發哥個囡囡，幾多人恨唔到
多謝高登先
Cecilia仲多咗個新朵叫「翻版高 Ling」！「好多謝高登巴打嘅支持呀！因為高登嘅朋友叫得做翻版或者 BB都有返咁上下靚女，加上高 Ling係一個好勤力嘅演員，係一個好好嘅學習對象！」
原來她更係童星， 2歲已出道。「我係童星出身，細個已經同周潤發、夏文汐拍過廣告，所以我細細個已經捕獲咗周潤發喇！仲要唔小心捕獲埋夏文汐添！發哥仲做我老豆呢！」
勁集郵
目標做 DaDa
已拍過 3部電影的 Cecilia，會繼續向電影方面發展。「近年 DaDa係我好欣賞嘅演員，因為佢好肯搏，同埋咁後生就攞到『最佳女配角』，對新人嚟講係一個好大嘅動力！如果有任何電影公司需要我去配合演出唔同嘅角色，大膽或者性感啲嘅我都會去試！」
有高 Ling面孔、身材，又想似 DaDa般咁搏， Cecilia大有潛力喎！
|
鍾意就快D Share啦！
|
|
|
