全城熱爆的娛樂八封新聞 & 時事趣聞 & 生活 + 趣聞
Phil被問到同杏兒婚事細節，佢就話：「你哋搞錯喇！新年快樂！」之後急急腳上的士。
自從胡杏兒同金融才俊 Phil拍拖後，成個人甜晒，經常晒收花及拍拖生活，杏兒仲話開心到中咗頭獎，就知佢有幾 high！最近有傳二人年底結婚，所以阿 Phil一有時間就揾杏兒傾婚事細節，全知言仲收到風，一班「胡說八道」姊妹已經訂造姊妹裙，送杏兒出嫁呀！上週二（ 24日）全知言仲喺杏兒屋企樓下撞到阿 Phil，阿 Phil雖然同過唔少女星拍拖，但依然低調，見到全知言仲雞咁腳走，問佢婚事啲嘢，阿 Phil只係講：「新年快樂，你哋搞錯咗喇！」不過全程笑晒口，應該差唔多啦。
杏兒真係好冧 Phil，單睇呢張收花相就知，唔係咩叫中頭獎。網上圖片
上年 12月本刊率先踢爆胡杏兒同 Phil出席朋友生日 ball，當時 Phil仲否認拍拖㗎！
圖片
上週三（ 25日） Phil舊愛李施嬅（前名李詩韻） 34歲生日，杏兒都有出現仲貼晒頭影合照，一啲尷尬都冇！網上圖片
