涉虐小龍女同藏毒嘅吳綺莉，中午喺寓所接受好友Nelson嘅訪問後，下晝就揸車去咗跑馬地舊居。
咁多風風雨雨，42歳嘅佢又真係憔悴，對眼仲腫晒，面對傳媒表現緊張︰「我唔想回應，我唔會回應囉！everything is fine 唔該晒 ! 」
而今日中午為有線做嘅訪問已經出街，佢承認自己有酗酒習慣，「因為我唔想食安眠藥先瞓到，咁會越食越多，由細到大都係，個女驚我身體有事。」
至於提到涉嫌虐小龍女一事，佢就強調：「我真係冇傷害個女……我自問冇精神虐待佢。」
最後講到警方於佢家中搜獲疑似大麻，佢明顯避談：「真係唔知，我當時都唔喺屋企。同埋依家所有嘢都交晒俾律師處理。」
