蔡卓妍（阿Sa）近排好hit，孭飛新戲《雛妓》票房大收近千萬外，又成為金像獎影后大熱，真係犧牲色相都值得。
可惜阿Sa似乎唔啱強國人口味，佢微博連日來都遭受強國網友洗板式留言炮轟。事關《雛妓》由杜汶澤監製，阿澤自從去年高調撐佔中後，已經被列入黑名單，但一眾強國網友咬住佢唔放，話要抵制佢喎！有骨氣嘅阿澤決定唔搵人仔，索性轉戰大馬殺出另一條血路。
奈何呢班網友盲目得誇張，阿Sa只係做女主角啫，都要成為箭靶。難怪阿Sa尋晚發微博話：「希望2015福星高照，是非遠離，不要再中槍了。」哎！躺著中槍呢種滋味又真係幾委屈嘅！
