出土男神 54歲型爆復出 銀髮林俊賢：我啲經歷慘過《大時代》 [壹週刊 - 1316] 大時代,林俊賢,M1,

比起《男兒本色》當年初出茅廬的小子，林俊賢除了一頭灰髮外，身形及笑容與以往一樣，保養得宜。

探熱針

出土男神　 54歲型爆復出　銀髮林俊賢：我啲經歷慘過《大時代》

消失娛圈近廿年的無綫小生林俊賢，去年低調復出拍電影《最佳嫌疑人》後，早前再為應采兒做監製的網劇《天才在左瘋子在右》埋位，五十四歲一頭銀髮的他，依然型英帥。

離開娛圈後兩度炒股輸身家，身心受挫搞到身體出問題的林俊賢，經過痛苦掙扎成功翻身，變成證券行、廣告及製作公司老細；見重播《大時代》被熱捧，林俊賢說：我啲炒股經歷慘過《大時代》。

監製應采兒是玩得之人，見到前輩林俊賢時，即時走上前作狀為他揼骨，拉近了大家的距離，非常醒目。

曾是甲一的林俊賢，身手與球技現仍保持狀態，對住年輕人張建聲，走籃投球一氣呵成，有賴平日 keep住運動，寶刀未老。

免疫系統失調

一頭銀髮，身形健碩的林俊賢，比起廿年前在成名作《男兒本色》飾演徐湘，更多添了一份成熟的型格，從商多年，經常要穿梭北京、深圳，戲癮發作，林俊賢重操故業，為處女監製應采兒埋位拍網劇。

「我做個有精神病嘅智者，睇完劇本就好想做！我自己身體都有啲不好，四年前患上蕁麻疹，唔可以太操勞，太大壓力或唔開心，會好易復發。拍呢個劇講明只係要十幾日，又俾足時間休息，咁先接。（如果無綫搵你？）我都會考慮玩吓。」林俊

賢說。

87年《男兒本色》

林俊賢當年跟王祖賢合作不少電影，如《法中情》、《潘金蓮之前世今生》、《血洗洪花亭》、《無名家族》等，兩人更因而傳過緋聞。

當年

林俊賢保養極好，年過半百仍 keep到一身肌肉，早前他還特意在泳池中擺番當年在水中的同一姿勢，除了髮色由黑變灰外，由小生變帥中生。

今日

輸兩次身家

離開娛圈的日子，林俊賢經歷大起大跌，情緒受困，因而令免疫系統失調，賠上健康。

據了解，離婚後，女兒跟前妻生活，之後的一個女友為林俊賢誕下一子，其時，他轉行做股票行，全職炒股，因為買賣神仙股，輸掉整副身家，女友亦因此帶同兒子離他而去，四十幾歲人，人又冇錢又冇，輸晒！

林俊賢面對現實，咬緊牙關由零開始。邊度跌低，邊度起番身，到投資公司做策劃，又兼職做廣告，終於成功翻身。不過，歷史○七年再重演！林俊賢說因為 miss咗個 call，就錯失了一個大買賣的決定，股票投資，再次輸清光。

林俊賢的股場經歷，拍得住《大時代》的劇情。

「輸晒，全部輸晒！《大時代》只係做戲，我慘好多！做生意就好似賭博一樣，有起有落，有順有唔順；不過都過咗，經驗多咗，依家做生意學識穩陣，唔會俾自己再跌。諗番轉頭，我奉勸年輕人有乜大不了，瞓醒一覺，起身就冇事。」林俊賢說。

已貴為公司 CEO的林俊賢，不時抽空跟同事開會，他對員工很好，又租屋給經理人住，是個百分百好老闆。

已淡出娛樂圈的林俊賢，其實在內地一直有不少商演活動，有一定的知名度。

甲一球員變小生

入無綫讀第十一期藝訓班前，六呎高的林俊賢是籃球港隊甲一組球員。 82年藝訓班畢業，同期有歐陽震華、吳鎮宇， 87年在《男兒本色》擔正跑出；之後轉攻電影，又出過兩張唱片， 95年轉行離開娛圈。

89年，林俊賢與劉青雲及劉嘉玲等人合作拍攝電視劇集《上海大風暴》，當時林俊賢是劇中的男一。

影視雙線發展的林俊賢，在 90年曾參演鄭則仕執導的《富貴兵團》，與苗僑偉、林國斌及譚詠麟等人合作。

最想同萬子合作

屢敗屢戰，從失敗中吸取教訓的林俊賢索性開證券公司，教人投資。

「做證券行咪唔使驚！投資其實冇問題，但如果抱住以小博大心態，咁風險就大好多，所以應該投資唔係投機。例如窩輪，你用對衡角度睇就好安全。」講起投資心得，林俊賢滔滔不絕。

除了金融生意，林俊賢說他會投資電影，新片已開始籌備中，對於同期的戰友黎明，仍有保持聯絡，但林俊賢最想合作的藝人是萬梓良。當提到當年同劉嘉玲傳緋聞，林俊賢不忿說：「我都唔知點解當時會有呢啲新聞出現，我都要向劉嘉玲講聲唔好意思！趁呢個機會，鬧一鬧作呢單嘢條友 XYZ……」當年憤青，今日五十四歲，一樣有火。

本來亦是演員的宋本中，原來已北上發展多年，更成為導演。今次應采兒找他回港執導樂視 LeTV首部 4K網劇《天才在左瘋子在右》，令他有回家的感覺。

去年他低調復出拍內地電影《最佳嫌疑人》。

李思捷的舊緋聞女友馮鎵瀠（ Naomi），原來是林俊賢的表妹。

聽到林俊賢想搵佢合作，萬梓良話近年身體受糖尿病影響，要視乎劇本同時間能否應付得來，才決定接拍。

尹揚明與林俊賢差不多同期出道，兩人除了已淡出娛樂圈外，連髮色也變得一樣，至今仍是好朋友。

15年後父女重逢

錢銀，女人！同樣兩次打敗仗的林俊賢強調現階段是單身。對於再搵番個伴，他說：「成日都搵㗎（仲有冇同前妻或者以前啲女友聯絡？）之前嗰啲都唔理我喇！」

當年前妻帶埋女兒離開，從此失去聯絡。林俊賢尋親抽絲剝繭，在 fb尋遍跟女兒出生日期相同的女孩，再從其他蛛絲馬跡確定身份，之後搵朋友跟女兒在 fb做 friend，一步一步發展至約出來見面，至安排父女重逢。見面一刻，林俊賢哭了。女兒今年 20歲，跟細仔一樣不時都有聯絡，彌補失去。

鍾意就快D Share啦！

下一篇 》