可能唔熟路，心口掛住個「壽」字嘅方健儀，買完護膚品行出門口，左擰右擰唔知行去邊。
同你吟一吟
方健儀忙過做主播
有傳大台高層因為經常「河蟹」新聞部，搞到資深主播方健儀好冇癮，兩年幾前劈炮，轉咗去廉政公署做高級新聞主任，不過佢最近又辭職，亦成自由身，幫港台開咪，又幫吓 J2台做節目，鍾意做乜都得，不過最好搵，當然係做活動司儀。
唔使跑新聞，但仲忙過以前。上個禮拜二（五月十九日），《壹》仔見到方健儀一個人喺中環 ifc買完護膚品後急急腳行去 coffee shop，原來約咗三個女子歎茶，一邊傾工作大計。
事後方健儀响社交網站留言，話自己開咗兩個鐘會，其間收到 190個 WhatsApp，開會唔方便覆，之後要一邊行街買衫一邊狂覆留言同電話。天生女強人相，方健儀唔做主播，一樣大把錢途。
|
鍾意就快D Share啦！
|
|
|
