全城熱爆的娛樂八封新聞 & 時事趣聞 & 生活 + 趣聞
一連四場「蔡依林 Play世界巡迴演唱會」，上個禮拜响台北小巨蛋正式開鑼。 Jolin開騷，每次都會俾樂迷無限驚喜，除咗拋 G奶，仲鍾意挑戰人體極限，將體操同演唱會 mix埋一齊。
偏偏今轉化繁為簡，冇乜高難度動作，只係落重藥玩造型，當中 Jolin為配合新歌《美杜莎》，專登响荷李活搵人造咗個七磅重嘅蛇頭頭飾，仲話造價要 100萬港元。不過有眼利網民發現，早响兩年前，美國樂壇天后 Rihanna已經玩過呢款蛇頭，但 Jolin強調個 idea係佢演唱會團隊創作，絕無抄襲。嘥心機使咁多錢，到頭來俾人話抄，都係還原基本步，玩 G奶好過
以為七磅重蛇頭好有綽頭，點知兩年前美國樂壇天后 Rihanna已經玩過， Jolin變成抄橋。
個唱造型冇突出 G奶身材，搞到俾後面班 dancers搶晒鏡。
變身做 Barbie公仔，造型出自我哋香港嘅 Wyman黃偉文。
