掃呢頁CODE去手機

2015年5月28日 星期四

劉愷威楊冪半億買豪宅 劉丹笑晒:用嚟自住 劉愷威,楊冪,劉丹,



【唔怕高追】劉愷威楊冪半億買豪宅 劉丹笑晒:用嚟自住

2015-05-28 22:45:00



o依家基本上長駐內地嘅劉愷威,身價今時唔同往日,仲娶埋內地小花旦楊冪,更要努力搵錢,近日西半山老牌豪宅寶城大廈,早前錄2座高層單位,以逾半億成交,原來買家係劉愷威及楊冪,單位實用面積2,410方呎,建築面積2,835方呎,登記成交5,980萬元,兩人聯名買入,呎價2.48萬元,無論成交價及呎價均創屋苑新高。

阿仔事業有成,仲買2千呎豪宅,老竇劉丹真係飲得杯落,今日佢回覆本報阿仔買樓事仲笑唔停話:「哈哈哈,你哋點知㗎?」問佢擔唔擔心高位接貨?佢話:「冇所謂,自住。」劉丹表示會同個仔以及新抱一齊住,平日就可以弄孫為樂,問到係咪老懷安慰?佢話:「我哋都搬埋入去住,佢哋都辛苦嘅。」幾時裝修?丹爺話:「未有咁快。」



寶城大廈係西半山老牌豪宅 (資料圖片)



劉愷威同楊冪事業都咁旺 (資料圖片)



阿仔同新抱都事業有成,丹爺真係安樂晒! (資料圖片)

鍾意就快D Share啦!