沈星想吹番梘泡，嗲老豆去小食亭買，再點外傭姐姐吹俾佢玩。
同你吟一吟
邱淑貞霸王孻女
因為信佛，邱淑貞隨心隨性，包括生 BB，唔會因為想要個仔而做功夫。一屋女，沈嘉偉冇詐型，仲經常抽時間家庭樂。
早排《壹》仔見到沈家五口出動去公園玩，包括獲父母支持，將來可以入行做 model嘅 14歲大女沈月，大個女，公園其實唔啱佢，唯有坐埋一邊，同 friend吹水。至於全職媽咪邱淑貞，大部分時間都係篤手機，兩個細女沈日同沈星，交俾老公負責。
孻女沈星玩韆鞦，要爹哋出盡力推，愈高愈開心，一啲都唔驚。玩完韆鞦再玩活動單槓，沈星人仔細細對手好有力，一啲都唔輸俾二家姐沈日。百厭過男仔，不過沈星耐不耐就行去搞吓媽咪，又要外傭姐姐抱住佢食雪條，成班大人都要招呼佢，係沈家小霸王。
|
鍾意就快D Share啦！
|
|
|
