網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年6月4日 星期四

重播《他來自江湖》 毛舜筠重手執樣搏吸金 [壹週刊 - 1317] 毛舜筠,M1,



15年 5月

側面睇,微笑時下巴線條緊緻,但當擘大口講嘢,塊面硬到唔郁得。

探熱針

重播《他來自江湖》 毛舜筠重手執樣搏吸金

大台重播《大時代》,唔單只帶旺午夜時段收視,更帶挈大佬孝(邵仲衡)等一班有份演出的藝人,快錢自動波送上門。

舊劇多人 like,大台打算緊接在同一時段,推出另一套神級劇《他來自江湖》,擔正的毛舜筠睇準重播招財良機,的起心肝為五十五歲容顏進行大修葺,可惜因為出手太重,搞到大細鼻窿、嘴角僵硬,好膠!

上週四到觀塘上跳舞堂,素顏下,大細鼻窿好明顯。

14年 3月

去年三月,五十五歲的毛舜筠,下巴鬆弛浮腫,更有些凹凸不平。

回春有法

15年 2月

去年底初嘗修葺的毛舜筠,在《浮華宴》同古仔做對手戲,下巴有線條得來未至於繃緊,睇落自然順眼。

現年五十五歲的毛舜筠,為了做廿四孝媽咪,近年逐步減產,甚至接近全面停工,陪廿歲大女令山到加拿大升學。

今年初毛舜筠返港與朋友聚會,大家不約而同讚她又靚又後生,當事人解釋是加拿大空氣環境好,加上有代言健康產品進補,所以分外容光煥發。

放假充電,雖然有回春功效,但有不少「同道中人」,一眼就睇穿毛舜筠是經過人工修葺。「皮光肉滑,去到呢個年紀,啲細紋仲可以咁淡一定有執過吓,但 Mo姐好醒,超級輕手,所以唔係執開樣嘅人,未必一眼睇得出。」一名毛舜筠的友人透露。

落重藥

四月中大台重播《大時代》,劇中無論是丁家或方家的演員,近日均成為活動搶手貨,其中已退出娛樂圈多年的大佬孝(邵仲衡)曝光率奇高,日前他與丁益蟹(陶大宇)出席活動時透露,工作量持續上升:「保守估計有七位數進賬。」

神劇帶旺人氣,本月中播完《大時代》後,將緊接重播《他來自江湖》。有辦你睇!在娛樂圈打滾近四十年的毛舜筠心中有數,為了劇集重播後的無限錢途,再度出手為五官大肆修葺。

上週四(五月二十八日)下午一時,毛舜筠離開沙田住所,揸車到蘇志威位於觀塘的跳舞學校學跳舞,下午三時,跳到身水身汗的她準備攞車離開,素顏戴超,雖未能飽覽人工芳容,但邊大邊細的鼻窿,雙唇兩旁繃緊,一清二楚。

上週六(三十日),毛舜筠與老公區丁平以及細女亦山一家三口到圓方出席《唱出我天地》首映,在化妝遮掩下,毛舜筠的大細鼻窿情況略有改善,但下半截的硬膠面,卻無所遁形。毛舜筠貪字得個硬!

《大時代》重播,令已退出娛樂圈的邵仲衡鹹魚翻生,日前與飾演丁益蟹的陶大宇出席活動搵真銀。

萬梓良、毛舜筠以及星爺主演的《他來自江湖》,將緊接《大時代》於午夜時段播出。

上週六毛舜筠孖住老公區丁平,以及細女出席電影首映。

人工美

貪靚無分年齡性別,近年不少藝人紛紛加入人工修葺行列,企圖留住靚樣,但亦有唔少人走火入魔,衰過以前。

楊怡

出道時 pizza面兼扁鼻,近年個鼻愈變愈尖,被人賜名「木偶鼻」。

楊秀惠

一向有包面、豬膽鼻的楊秀惠, 09年決心變靚,結果打 Botox打到出事,搞到鴦鴛面、歪下巴,減磅後,大細面更加明顯。

陳展鵬

13年,陳展鵬以零酬勞做美容院白老鼠,整雙眼皮、隆鷹鼻,加埋 Botox打出蘋果肌,但因為太重手,結果煎 Pan變豬頭。

傅穎

近年轉型做國產女神的傅穎好落力執樣,間尺鼻、五蚊眼、三角下巴,五官愈打愈精緻。

鍾意就快D Share啦!