全城熱爆的娛樂八封新聞 & 時事趣聞 & 生活 + 趣聞
明星副業，十居其九學人做生意，陳敏之亦唔例外，開曲奇餅店過老闆娘癮。又要拍劇、又要睇實盤生意，但陳敏之懂得分配時間，仲有空檔約埋老友兼教友嚴淑明，去大坑食茶餐廳鬆一鬆。
唔使開工，陳敏之同皮膚一齊放假，一滴妝都冇，只係搽咗少少唇膏，真面目見人；食完嘢，陳敏之一邊吹水、一邊用牙籤撩牙，連攞隻手遮住個口都懶。陳敏之素顏啱唔啱睇，見仁見智，八珍只係認同佢做番自己夠坦白，總好過坐佢對面，又帽又超，包到冚嘅嚴淑明。
零妝、撩牙，陳敏之好豪邁。
知道《壹》仔在場，陳敏之唔介意上鏡，反而戴住帽嘅嚴淑明，即刻加番副超。
女人化咗妝，點都係唔同啲，就算不同年齡層嘅陳敏之、嚴淑明亦一樣。
