周焯華(洗米華)太太Heidi早前發表過「大婆論」，揚言周太永遠得一個，又指第三者Mandy Lieu只係「霧水情人」，認為「霧水情人」豈止一個，不過目前Mandy連B都生埋，難免觸動大婆嘅底線，洗米華一向都畀足面老婆，洗米華都有連日補鑊，多啲抽時間陪住Heidi及出世冇耐嘅「小米女」Damiana。
據知情者向周刊透露，洗米華自暗交第三者Mandy傳出有咗嘅流傳後，洗米華死都唔認Mandy有B，大婆Heidi每次選擇相信老公，再講洗米華每個星期日同做節一定陪住老婆，不時又攬又錫，令佢哋關係都唔錯，點知Mandy上月忽然被爆英國生女，仲要有圖有真相，Heidi先接受唔到，洗米華亦急回澳門「交人」補鑊，知情者又指，Damiana出世時，爸爸抱住佢囡囡就即刻笑，送畀爸爸「第一個笑容」，個樣又似足爸爸，冧到爸爸好開心，洗米華仲同囡囡一齊慶祝生日，成家人有一齊唱生日歌切蛋糕。
該周刊又爆，華嫂Heidi未有被老公「補鑊行為」所打動，喺生B前亦唔想見老公，疑每次聽到老公解釋，就有種「心如刀割」嘅感覺，令Heidi忍唔住激動到喊，更令Heidi產後失眠，生完冇咁快可以出院，洗米華為咗盡力補救，Heidi生B當晚，佢都有通宵陪老婆，之後仲朝早返澳門處理做嘢，夜晚就趕返香港養和醫院照顧老婆兼做湊女公，據知，今次多得繼子柏豪專程由英國飛返嚟陪Heidi，先令Heidi個心定啲!Heidi都好感激柏豪，喺呢段艱難日子陪住自己，又睇住個妹，所以大仔一返咗英國，Heidi情緒疑再次低落。
據報道指，Heidi已疊埋心水乜都唔諗，萬大事以繼仔及兩個囡囡為先，專心坐月調理好身子，而噚日洗米華爸爸周父去探新抱時，問到阿仔做乜唔嚟醫院，周父稱阿仔「出咗國」，不過周父就揮手話唔知阿仔有冇去英國。
(facebook截圖) 
(facebook截圖)