2015年6月10日 星期三

叔叔跳軌救女生 目擊者:佢好勇敢





其他影片:>>






●救女生不留名 熱血大叔全城搜尋救女生http://bit.ly/1MkBG2c

港鐵上水站今早8時有女學生墮軌,當時正在月台等候列車往九龍上班的陳小姐表示:「我企喺月台第一排,跟住有人撞我,到我反應返過嚟嗰時,佢(女學生)已經喺路軌上面,佢個人趴喺度,好軟弱,冇晒力。呢個時候有個先生好快咁跳咗落月台,的起個女仔去咗對面,推埋佢上去,然後佢自己㩒住月台邊自己跳返上去。」

陳小姐表示,該女學生當時身穿校服及背著書包,估計是中二生,而當時正值上班繁忙時間,月台上有很多市民,有人大叫女學生返回月台邊,亦有市民好像截的士一樣截停已駛入月台的列車,「架車喺第四卡度個位停咗,我當時出事個位係第三卡由尾數上第二個門口,我諗距離半個車卡度。」「其實唔知佢有心定點,總之佢用好快嘅速度撞開我,之後已經墮軌。」

陳小姐又表示:「個先生係中年男士,唔係白領,大約40幾數嘅叔叔,佢真係好勇敢。真係所有好好彩集合埋一齊,好好彩有個叔叔跳咗落去,好好彩列車煞得切,好好彩有人撳咗掣,好好彩對面未有車嚟。」

鍾意就快D Share啦!