戴夢夢前日在中環置地廣場跟太極鼓手朱翰博（Ricky）拖手撐枱腳斷正，現年49歲的Ricky比夢夢大19年。Ricky早年已跟圈外女友結婚，這次跟夢夢不但譜出父女戀，更惹來婚外情疑雲！昨日本報致電夢夢求證是否跟Ricky拍拖？她說：「發展中啦，冇幾耐，我𠵱家又唔係幕前，唔想講太多。」
「佢𠵱家係單身」
問知否Ricky結婚了？夢夢澄清自己不是小三：「我知佢哋分開咗，𠵱家係單身，所以我哋先發展吓。」對於Ricky比她大19年，夢夢說：「年齡唔係一個問題，緣份嚟，佢係前輩，都唔係好唔同年代，佢80年代，自己90年代。」不介意對方曾結婚？她說：「呢啲唔答，總之許可情況下發展。」
同前妻有問題
曾否帶男友給契爺林建名過目？夢夢說：「唔講啦，唔想太高調。」有否諗過結婚？她說：「去到咁遠，唔知呀，緣份好難講。」她坦言兩人不想影響形象和發展，所以私人感情想低調處理。
至於Ricky被問到是否跟夢夢拍拖？他吞吐說：「其實我都唔識答，放過我好嘛！」對於已婚的問題，他就緊張澄清：「呢個需要答，其實我哋分咗居，我搬開咗住一段時間，其他唔夠膽亂答，但要講清楚婚姻狀況。」問離婚是否因為夢夢？他否認：「絕對唔係，大家有問題，戴夢夢𠵱家喺大名娛樂做經理人，今次太極個騷大名係投資者，好多年前有見過佢，戴夢夢嗰度唔講太多。」
對於被影到拖手及夢夢承認發展中，他說：「我唔答啦，拖手係咪發展中定係咪發展到，呢家……呢啲嘢都唔知。戴夢夢講嗰啲由佢自己講，因為佢比較識講。當然大家都會出嚟食個午餐，係咪咁確定拍拖？我驚影響佢，我唔答啦，留番佢答，佢話係就係啦。」
採訪、攝影：皓騫、梁繼光、畢紹基、藍文浩
|
鍾意就快D Share啦！
|
|
|
