全城熱爆的娛樂八封新聞 & 時事趣聞 & 生活 + 趣聞
Shopping完咗 round 1當然要醫肚，拎住 3大袋戰利品嘅吳若希仲好識揀，搵間高級餐廳食 lunch。
藝人嘅生活係點？除咗拍劇由朝拍到晚，連 shopping都係由朝 shop到晚。誇張？吳若希（ Jinny）就係一個好例子。
前週五（ 29日）全知言中午喺銅鑼灣見到 Jinny同經理人一齊，目標好明確嘅 Jinny入咗間時裝店搏殺，結果揀足成粒鐘果然無令大家失望，買咗 3大袋好威威咁行返出嚟。之後就同經理人去咗西餐廳醫肚，以為夠皮啦，點知 Jinny食完充滿體力，再衝去買多轉，呢轉買咗近 2個鐘，左試右試真係買到天都黑至肯收手。最後 Jinny仲醒到叫經理人先幫佢攞車揸去門口等佢，咁都啱，買咗成日嘢，身心都應該好攰，可以行少兩步就行少啲囉！
吳若希落車三人行兩手 fing fing。
花多實眼亂，吳若希左揀右揀，足足喺鋪頭玩足 2粒鐘！
買完一大輪，吳若希好滿足咁自己碌卡畀錢，不過筆卡數係咪自己找先？
