有自己一套的袁嘉敏，拍三級片登台受盡難堪，甚至遭人歧視杯葛，都無阻她向上爬決心。捱過經歷和出身，對她亦有深遠影響。
「細個到十一歲住喺鐵皮屋，日曬雨淋，就算死咗都冇人理我哋，覺得係社會上係隱形嘅一群。嗰時對住四面都係鐵皮，啲貓狗行過，樹上啲果實跌落嚟都會好嘈，夜晚根本好難瞓到覺，成個童年我都係失眠。所以自小我就渴望有白色嘅牆圍住我，打風唔使驚，我立志將來要所有鏡頭對住我，燈光完全打喺我身上，因為細個冇人睇到我，到大個要所有人注意我。人望高處係應該，啲人可以住喺度（山頂），點解我唔可以。」袁嘉敏說。
