歎慢版 懶理珍姐樂大媽 吳卓羲約滿成個月 hea傾 [FACE - 420] 珍姐,吳卓羲,曾勵珍,MF,

吳卓羲近半年都喺大陸拍劇，喺香港甚少蒲頭，間中喺香港先可以捕獲。喺大陸浸咁耐，卓羲都冇娘到，仲識着韓風潮牌。

真面目

歎慢版　懶理珍姐樂大媽　吳卓羲約滿成個月 hea傾

大台小生花旦離巢唔係咩新事，繼胡杏兒之後，歐陽震華又話傾約遭冷待，俾人彈咗句「有啱先搵你」，搞到好火；原來連吳卓羲都已經在上月約滿，近半年密拍大陸劇，家陣卓羲喺大陸成 30萬人仔一集，雖然大台出動兩大高層曾勵珍和樂易玲留人，不過有本錢在手，羲哥點會咁易就範，一於歎慢版。他說：「呢幾日會返去傾，我唔係要套套做男一，我希望兩邊都兼顧到啫！」大陸做男一又多錢，講名講利，大台好難留到人喎！

35歲吳卓羲 98年喺大台做 dancer入行，經古天樂推薦讀藝訓班，當年出道不久被捧為「奧運 6星」同林峯、陳鍵鋒一齊力捧，可惜近年突然被冷待，喺大台拍劇每次都做阿二，最新一套《梟雄》戲份更淪為配角，搞到卓羲冇晒心機。

唔肯拍

吳卓羲原本會拍《實習天使》兼做男一，但合約未傾好，大台就放風話佢撞期，實則只係撞幾日。網上圖片

接咗先

吳卓羲近年身形脹爆，但以 30萬人仔一集接拍強國劇《最佳前男友》時又瘦番，成塊面尖晒，回復當年《學警雄心》狀態。網上圖片

大台「戥腳」

吳卓羲暫時最後一套大台作品《梟雄》，戲份唔多近乎配角，他說：「我哋呢啲戥腳啫！」聽到就知佢幾灰啦。

強國男一

除咗新劇《最佳前男友》，之前仲同盛君拍咗《幸福歸來》都係男一嚟㗎。你話點返嚟大台呀？

「無謂留期拍 TVB劇」

大台唔識貨，但喺大陸就好吃香，吳卓羲最近忙拍大陸劇《最佳前男友》同言承旭一齊孭飛，身價去到 30萬人仔一集。據知吳卓羲上月已約滿，由上年開始已有唔少國內公司打佢注意，大台唔重視，吳卓羲亦決定 hea住傾，即使大台安排完約前拍埋《實習天使》做男一，卓羲都睬你有味，決定傾好新約再合作。

週日（ 7日）他在電話中說：「珍姐同樂小姐都有同我傾過，但係好初步，我呢幾日拍完《最佳前男友》就返去傾，（完咗約？）差唔多（點解唔拍《實習天使》？）其實檔期同我拍緊大陸劇係有重叠，而且約又未傾呢？如果我係唔簽嘅，我無謂留個檔期拍 TVB啲劇啦，我冇話唔續，唔好亂寫， TVB仍然係我首選！（係咪要套套做男一先簽？）就係傾呢啲工作上方向不過我唔係要套套男一，兩邊兼顧到就得喇！」講到好白

曾勵珍

大台出動兩大阿姐同唱 K傾續約，可惜羲哥似乎唔多俾面。《蘋果日報》圖片

樂易玲《蘋果日報》圖片

大台小生買少見少，最近就連有收視保證嘅歐陽震華都同大台鬧不和，隨時唔合作，樂小姐呢輪好頭痕喎！《蘋果日報》圖片

聖羅蘭有人工加學用 WhatsApp：點 send相？

吳卓羲就約滿大支嘢， 80歲羅蘭亦唔使煩合約喇，事關港視當年挖角潮，令羅蘭姐騷價由$3,000升到$5,500。最近除咗忙拍《末代御醫》外，原來學緊用智能電話，上週六（ 6日）到旺角宣傳其代言手機 ASUS時她說：「我以前冇呢啲電話，我又孤寒，我同自己間手機供應商講打出打入得喇，仲問佢哋最平邊隻？結果攞咗最平 71蚊月費嗰種，啲同事拍劇時影相 send唔到俾我，我初頭仲以為電話壞咗，走去電話公司問點解 send唔到相㗎？𠵱家加番個 plan喇，我要慢慢學下呀！」

羅蘭姐上週六出席其代言 Asus手機活動，完騷後仲要開工，她說：「要即刻返去開廠，辛苦有時都係樂趣嚟！」

羅蘭姐已經 80歲，但喺唔少年青人眼中仍然係潮 icon，除咗每年嘅聖羅蘭，又拍冷暖空調機同萬元智能電飯煲廣告，仲要樣樣都係高科技。電視畫面

電視畫面

羅蘭姐現忙拍新劇《末代御醫》，劇中飾演慈禧，同楊怡、郭晉安有唔少對手戲。網上圖片

鍾意就快D Share啦！

下一篇 》