歐陽舒欣• Anthe 明愛白英奇專業學校時裝設計系高級文憑 Yr.2
擁有四分一葡萄牙血統的 Anthe，婆婆是葡萄牙人，不過她笑言自己不懂葡文，「我香港出世，香港大，所以唔識講！」
U花 U草
畢業騷捱通頂 3萬造衫 白英奇時裝妹天生購物狂
讀個學位要廿萬，讀 fashion仲至少要用三萬蚊整六套衫行個 fashion show當係 FYP（ Final Year Project），業都未畢已經洗咗廿幾萬，為咩？ Fashion嘅嘢，你識條鐵咩！
就讀白英奇專業學校時裝設計系高級文憑 Yr.2的歐陽舒欣（ Anthe），剛完成她的畢業作品，在畢業展中贏得設計年度金獎的 Anthe，自細跟媽媽學縫紉，她會親手為 Barbie娃娃縫紉各種服飾，紗裙、襯衫、圍巾都由 Anthe一手包辦，一雙巧手就是這樣練成的。
Anthe為咗 FYP整得好好睇睇，前後花了三萬幾蚊加狂通頂整衫，一心在時裝設計界發展的的她說：「讀呢科好嘥錢嘥時間，由籌備到 on show足足花了一年時間預備，要諗六套衫款一啲都唔簡單，有時諗到但未必做到，又要同裁縫夾，每個細節都要傾得好仔細。要搵平嘅裁縫就要返內地，內地裁縫五百蚊整一套都有，香港至少要千幾蚊，所以呢一年成日中港兩邊走。做時裝設計師係我嘅夢想，所以我唔覺得辛苦，加上讀呢科好多時都靠自己，好多電腦軟件都要自學，平時得閒就上網睇參考，睇定來季興咩，再自己落手整，所以高級文憑畢業之後都冇諗住升 degree，自己整衫儲多啲實戰經驗好過！」
剛剛畢業， 21歲的 Anthe打算跟朋友開網上商店賣衫做老闆娘，「我天生購物狂嚟㗎，一邊可以周圍採購入貨買靚衫，一邊可以賣自己設計嘅衫，一舉兩得！」
|
鍾意就快D Share啦！
|
|
|