有口話人 藐爆 50歲霖嬸 33歲榕姨：做得我阿媽 [FACE - 424] 霖嬸,黃榕,榕姨,羅霖,MF,

寫真鬥老

人哋就係𡃁模寫真，榕姨出書就俾人話老模寫真，今年再俾人彈老，榕姨駁嘴特別大聲：「羅霖都未話老，佢 50歲做得我阿媽喇！」

真面目

有口話人　藐爆 50歲霖嬸　 33歲榕姨：做得我阿媽

同期𡃁模唔係上咗位就上咗岸、搵勻成個書展都冇人耆英過佢，都話無敵是最寂寞，好難想像 33歲榕姨有對手！

總算等到今年有個 50歲羅霖墊底，俾人叫足四年「老模」嘅黃榕終於有仇報：「羅霖姐姐做得我阿媽都未話老，幾時輪到我，我仲有好多才藝㗎，唔想年過半百仲賣緊(肉)囉！」寸嘴真係剝模特色。

大家真係唔好再寃枉榕姨為出寫真寧願年年貼錢年年蝕、仲要年年俾人嫌老添。連續第四年喺書展推出個人寫真，榕姨借《 FACE》澄清，話第一年有幕後老闆投資、 13年書展開始至係自資出書、兼且連續兩年有錢賺至會繼續拍。至於係唔係老模，口啞啞咁多年，榕姨終於可以大大聲話自己仲細喇——同 50歲羅霖比吖嘛！

連出四年寫真，榕姨話年年有錢賺，今年換咗攝影師 Jerry Ling操刀：「第一次由男性角度發掘我性感一面！」

想做香港泫雅喎

週日(6日)，榕姨去大浪灣樂游游，典晒沙瞓晒石咁有求必應，真係隔住個比基尼都睇得出佢今年參(書)展特別輕鬆：「我本來都冇諗住再出寫真，不過今年識咗呢個攝影師，由男人角度出發，影得我特別性感咋嘛！我又唔怕同啲台妹同羅霖揮喎，佢哋有肉地男人至愛，我係 sell身材均勻，包噴鼻血㗎！我唔介意人哋話我老模囉，羅霖姐姐生得我出都未話老，幾時輪到我吖？其實我學咗舞咁多年，又諗住出跳舞歌做香港泫雅（吓？！），除咗影性感相我都想畀人見到其他才藝，唔想半百仲賣緊(肉)囉！所以今年都應該係最後一年出寫真……除非出年有新 idea！」又可能又除非，呢個終極都好削吓！

全靠做過陳冠希女友打響知名度、再加上年年出寫真 keep住個勢，榕姨話其實內地夜場、商場騷接唔少，最高紀錄一個月六位數字收入。網上圖片

新寫真去得最盡就係呢個遮遮掩掩全裸 look，問佢同唔同意袁嘉敏話「人人有 nipple」，榕姨就話：「 nipple係留俾老公睇㗎，我都想留個底線俾自己。」

四年剝模路

娜姐以後、𡃁模沒落，年年書展都係得班奀模抽水鬥寸嘴、漏 M鬥騎呢，不過榕姨勝在年紀大資格老，比其他奀模又多樣賣點。

'12除底橫

當眾除底橫送畀人，接嗰位都要有相當勇氣。《蘋果日報》圖片

'13跳老舞

同騎呢霸主朱主席跳舞，好爽！《蘋果日報》圖片

'14撼天花

去年宣傳不慎頭撞天花，差些見埋血！《蘋果日報》圖片

榕姨收飯局短訊

袁嘉敏自爆最高紀錄飯局價 1千萬，榕姨都唔示弱，話日日都有人微博私信，自稱大老闆任榕姨開價：「不過我唔會理佢哋，過唔到自己！」

妖獸都市

當年娜姐出寫真，話晒都有樣有波又有話題，近年𡃁模寫真一蟹不如一蟹，漏 M寸嘴又全身加工，去到盡都係冇乜人識，今年榕姨已經叫「𡃁」模界大牌喇！

艾美琦　剝盡

賣點：前 AD2成員 Amy新作，由頭到腳整完再整，你唔認得佢有幾奇？分分鐘連生佢出嚟嗰個都覺得陌生。賣點暫時未搵到。

仙樂都　爆料

賣點：有相又有字，話會大爆模界黑幕。其實模特兒同𡃁模屬於兩個界別，會唔會改爆傳過緋聞嘅 Eddie食女黑幕、朱慧敏結唔結得成婚仲有賣點。

Crz To　初戀

賣點：年年都梗有幾條女彈出嚟自稱係翻版栢芝， Crz To夜店取景、着埋水手服、食埋 Wasabi重演《喜劇之王》經典一幕，你覺得呢？

鍾意就快D Share啦！

下一篇 》