2015年8月4日星期二

一杯酒兩份飲邵仲衡偕人妻譚小環銅鑼灣食飯譚小環,小環,邵仲衡,

【狗仔出更】一杯酒兩份飲邵仲衡偕人妻譚小環銅鑼灣撐枱腳

2015-08-04 10:00:00

(採訪、攝影：梁繼光)

噚日傍晚6點左右，本報記者喺銅鑼灣發現「大佬孝」邵仲衡同人妻譚小環一齊行街，佢哋行完街之後，就去咗時代廣場搵嘢食，佢哋由13樓開始揀嘢食，兩個一間一間睇，沿途就有講有笑，行到11樓，終於揀咗間西餐廳，兩個就入咗去食嘢。

佢哋兩個坐低之後，就由邵仲衡揀嘢食，之後佢哋叫咗一飲類似雞尾酒嘅嘢飲，飲品嚟到之後，邵仲衡就將杯嘢畀咗譚小環試飲咗一啖，之後邵仲衡就拎番嚟飲，呢個舉動多數都會發生係情侶身上，不過好朋友都可以做呢個行為嘅，話晒佢哋兩個都各自有家室，最近仲一齊拍港台劇，可能變咗好朋友，又或者本身係friend底，而佢哋呢餐飯就食咗兩個鐘，食飽飽就閃人喇。